Театр – ул ғәжәйеп сихри көскә эйә донъя. Ғафури районы иһә халыҡ театрҙарына бай төбәк. Улар Яңғыҙҡайын, Үтәк, Бурлы, Еҙем-Ҡаран, Сәйетбаба ауылдарында уңышлы эшләп килә. “Театр яҙы” смотрҙарында халыҡ театрҙары ҙур күләмле спектаклдәр әҙерләп һөйөндөрә. Башҡортостандың тәүге халыҡ шағиры Мәжит Ғафуриҙың тыуған ауылы “Еҙем-Ҡаран” ауыл мәҙәниәт йортоноң “Ҡараншишмә” халыҡ театры артистары сығышын да тамашасылар көтөп ала. Денира Закуан ҡыҙы Биктимерова 1992 йылда театр түңәрәген ойоштора. Һөҙөмтәлә 2007 йылда “Ҡараншишмә” театры артистары, Таңсулпан Ғарипованың “Китмәгеҙ, торналар!” драмаһын уңышлы ҡуйып, “халыҡ театры” исемен яулай. Мостай Кәримдең “Ай тотолған төндә”, Нәжип Асанбаевтың “Һыу юлы” спектаклдәре һәм башҡалар – барыһы да артистарҙың күңелен һалынып атҡарылған ижад емештәре. – Ауылдар буйлап сығыш яһайбыҙ, ғаиләләребеҙ ҡатнашабыҙ, - ти “Ҡараншишмә”ләр. Мәҫәлән, Әминә Яхинаның “Йәйғор ҡалҡҡанда” әҫәрен сәхнәләштергәндәр. Динира Биктимерова төп геройҙың йәш сағын ҙур оҫталы