Доғала "Йә Рәсүлә Аллаһи" тип Пәйғәмбәргә ялбарырға, доғаны йүнәлтергә яраймы?

Доғала "Йә Рәсүлә Аллаһи" тип Пәйғәмбәргә ялбарырға, доғаны йүнәлтергә яраймы?

Яуап: Аллаһтан башҡаға доғаны йүнәлтеп ялбарырға ярамай

Быға дәлил Аллаһ әйтә: وَمَن أَضَلُّ مِمَّن يَدعو مِن دونِ اللَّهِ مَن لا يَستَجيبُ لَهُ إِلى يَومِ القِيامَةِ وَهُم عَن دُعائِهِم غافِلون َ۝ وَإِذا حُشِرَ النّاسُ كانوا لَهُم أَعداءً وَكانوا بِعِبادَتِهِم كافِرينَ "5. Кем Аллаһтан башҡа затҡа доғаларын (ғибәҙәтен) йүнәлткән икән, ул кешенән тағын да аҙашҡаныраҡ кеше буламы? Ул заттар Ҡиәмәт көнөнә тиклем бер нимә лә өндәшә алмайҙар һәм уларға йүнәлтелгән доғаларҙы белмәйҙәр. 6. Кешеләр үҙ ҡәберҙәренән ҡубартырылғас, уларға илаһ итеп алынған һын-боттары дошманға әүерелер һәм уларға йүнәлтелгән ғибәҙәткә ҡаршы булып инҡар итерҙәр". (Әл-Әхҡаф сүрәһе, 5-6-сы аяттар).

وَأَنَّ المَساجِدَ لِلَّهِ فَلا تَدعوا مَعَ اللَّهِ أَحَدًا "“Барлыҡ сәждә ҡылыу урындары тик Аллаһҡа ғына табынырға өсөн, һәм шуға күрә Аллаһтан башҡа заттарҙан ялбарып (доға ҡылып) ғибәҙәт ҡылма”. (Әл-Джинн сүрәһе, 18-се аят).

ХӘҘИС Ибнү 'Әббәс (رضي الله عنهما) Үмәр ибнү Әл-Хаттаб رضي الله عنه минбарҙа әйткәнен еткерҙе: Ошолай итеп Пәйғәмбәр Мүхәммәд صلى الله عليه وسلم әйткәнен ишеттем: لاَ تُطْرُونِي، كَمَا أَطْرَتْ النَّصَارَى ابْنَ مَرْيَمَ، فَإِنَّمَا أَنَا عَبْدُه، فَقُولُوا عَبْدُ الله، وَرَسُولُهُ "Насраниҙар Иса ибн Мәрйәм пәйғәмбәрҙе күтәргән кеүек мине лә сиктән сығып күтәрмәгеҙ. Хаҡтыр, мин Аллаһтың ҡоло, шуға өндәшегеҙ Аллаһтың ҡоло һәм Уның Рәсүле тип кенә" (Сахих Бухари, 3445).

Фәйсал ибн Мисфир исемле ғалимдың КәнзүлАтфал китабынан тәржемә ителде. Тәржемә итеүсе Әбү Әхмәд Әл-Бәшҡурди. #балаларға https://t.me/kanzulatfalbashkortsa