"Башҡортостан" гәзите хеҙмәткәре мәртәбәле конкурста еңде!

6 мартта Башҡортостан Республикаһы судтары рәйестәре һәм рәйес урынбаҫарҙары менән йомғаҡлау кәңәшмәһендә киң мәғлүмәт сараларында Башҡортостан Республикаһы судтары һәм судьялар берләшмәһе органдары эшмәкәрлеген иң яҡшы яҡтыртыуға конкурс еңеүселәре, район, район-ара, ҡала судының һәм Өфө гарнизон хәрби судының иң яҡшы интернет-сайты һәм Башҡортостан Республикаһы мировой судьяһының иң яҡшы интернет-сайты иғлан ителде. Киң мәғлүмәт саралары конкурсы буйынса жюри советы ҡарауына бөтәһе 1600-ҙән ашыу мәҡәлә, очерктар, интервьюлар, репортаждар, социаль селтәрҙәрҙә баҫмалар, видео һәм радио сюжеттары тәҡдим ителгән. “Иң яҡшы мәҡәлә” номинацияһында “Башҡортостан” гәзитенең дәүләт һәм хоҡуҡ бүлеге мөдире Рәмилә Мусина еңеүсе булды, икенсе урынды – “Бәләбәй хәбәрҙәре” гәзите хәбәрсеһе Регина Иванова, өсөнсө урынды “Туймазинский вестник” гәзитенең яуаплы секретары Алексей Шильников яуланы. “Иң яҡшы видеосюжет/радиоматериал” номинацияһында “Башҡортостан” дәүләт телерадиокомпанияһы Бөтә Рәсәй Дәүләт телерадиокомпанияһы филиалының махсус хәбәрсеһе Ангелина Машкина еңеүсе булды, икенсе урын “Башҡортостан” дәүләт телерадиокомпанияһының “Вести-Башкортостан” шеф-редакторы Әнүәр Әсләмовҡа бирелде. “Башҡортостан Республикаһының суд системаһы эшмәкәрлеген әүҙем һәм профессиональ яҡтыртҡан өсөн” номинацияһында беренсе урынға (киң мәғлүмәт саралары коллективтары араһында) “Ағиҙел уттары” ижтимағи-сәйәси гәзите редакцияһы лайыҡ булды, икенсе урынға – “Күмертау ваҡыты” гәзите редакцияһы, өсөнсө урынға – “Красный Ключ Нуриман” гәзите редакцияһы. “Архангельский вестник” гәзите редакцияһы суд системаһының эшмәкәрлеген яҡтыртыуҙа ҡатнашҡаны өсөн Башҡортостан Республикаһы Судьялар советының Рәхмәт хаты менән билдәләнде. Башҡортостан Республикаһы Судьялар советының төбәктең суд системаһы эшмәкәрлеген яҡтыртыуҙа ҡатнашҡаны өсөн рәхмәт хаттары “Восход” гәзитенең бүлек мөдире Ирина Вахонина, “Һаҡмар” гәзитенең баш мөхәррире Гүзәл Сәлихова, “Башинформ” мәғлүмәт агентлығының махсус хәбәрсеһе Ксения Калинина адресына ебәрелде. Шулай уҡ конкурс комиссияһы 45 район, район-ара, ҡала суды, Өфө гарнизон хәрби суды һәм мировой судьяларҙың 215 суд участкаһы интернет-сайттарының йөкмәткеһен мониторинглау һәм анализлау һөҙөмтәләре буйынса еңеүселәрҙе билдәләне. Конкурс йомғаҡтары буйынса Район, район-ара һәм ҡала судтары араһында иң яҡшы интернет-сайт тип Благовещен район суды сайты танылды, Икенсе урын - Өфө гарнизон хәрби суды сайтына, өсөнсө урын Салауат ҡала суды сайтына бирелде. Башҡортостан Республикаһының мировой судьяһының иң яҡшы интернет-сайты тип Миәкә районы буйынса 2-се суд участкаһы сайты танылды, икенсе урын – Өфө ҡалаһының Октябрь районы буйынса 7-се суд участкаһы сайтына, Туймазы районы һәм Туймазы ҡалаһы буйынса 4-се суд участкаһы сайтына өсөнсө урын бирелде. Башҡортостандың Юғары Суды рәйесе Рәил Шәйҙуллин һәм Судьялар советы рәйесе Татьяна Писарева конкурс еңеүселәренә почет грамоталары һәм иҫтәлекле бүләктәр тапшырҙы. Фото: vs.bkr.sudrf.ru.