Стәрлебаш районының Стәрлебаш ауылындағы саңғы базаһында “Заветы Ленина” район гәзитенең элекке мөхәррире Марс Туҡаев иҫтәлегенә арналған саңғы ярыштары буйынса асыҡ беренселек уҙҙы. Ярыштар "Демография" милли проектының "Спорт – йәшәү нормаһы" федераль проекты маҡсаттарына ярашлы үткәрелде. Был спорт сараһы йолаға әүерелгән һәм йыл һайын саңғы спортын яратыусыларҙы йыя. Турнирҙы Марс Туҡаевтың улдары башлап ебәргән. Ярыштар юғары кимәлдә үтте. Көн ҡояшлы, яҡшы әҙерләнгән саңғы юлы – былар барыһы ла ҡатнашыусыларҙың яҡшы кәйефтә булыуына булышлыҡ итте. Саңғы спортын үҙ итеүселәр ете төркөмдә тәғәйен дистанцияларҙа ярышты. Бына улар үҙ категорияларында еңеүселәр: 2015 йылғылар һәм унан бәләкәйерәктәр: Самира Абдуллаева һәм Асҡар Ғәлиев; 2013-2014 йылғылар: Элина Мифтахова һәм Раян Мәзитов; 2011-2012 йылғылар: Гөлназ Әхмәтова һәм Данияр Фәйзуллин; 2009-2010 йылғылар: Алина Ардаширова һәм Рәнис Ҡорбанов; 2006-2008 йылғылар: Сафия Мусина һәм Игнатий Афанасьев. Еңеүселәр миҙалдар, грамоталар һәм аҡсалата приздар менән бүләкләнде, ә барлыҡ ҡатнашыусылар күтәренке кәйеф, спорт байрамынан онотолмаҫ тәьҫораттар алды. Билдәле булыуынса, “Демография” (национальный проект “Демография”) милли проекты Рәсәй Президенты Владимир Путиндың май указы менән булдырылды. Фото: Стәрлебаш районы хакимиәте.