Башҡортостан буйынса Ғәҙәттән тыш хәлдәр министрлығының матбуғат хеҙмәте хәбәр итеүенсә, Белорет районының Әзекәй ауылында ағас йортҡа "ҡыҙыл әтәс" ҡунған. Ҡыҙғанысҡа ҡаршы, был юлы ла фажиғәлә бер ирҙең ғүмере өҙөлгән. Утты һүндергән саҡта 1956 йылғы йорт хужаһының үле кәүҙәһе табылған. Әле ваҡиға урынында тикшереү эштәре бара, янғын сығыу сәбәптәре өйрәнелә. Ведомство иҫкәртә: ут менән һаҡ булығыҙ, фатирҙа тәмәке тартмағыҙ, газды, электр ҡорамалдарын дөрөҫ ҡулланығыҙ! Бурҙан, һыуҙан ҡала, ә уттан ҡалмай - шуны хәтерегеҙҙән сығармағыҙ. Электр йылытҡыстарын ҡарауһыҙ ҡалдырмағыҙ, үҙегеҙ өйҙә булмағанда тоҡандырмағыҙ. Фото: "Башинформ".