Шағир һүҙҙәре менән килешмәү мөмкин түгел: ”Яҙ менән ҡатын-ҡыҙ - бер туған”. Икеһе лә тәбиғәтте йәмләүсе, ергә шатлыҡ, ырыҫ килтереүсе, биҙәк өҫтәүсе. Шундай һылыу, итәғәтле һәм эшлекле аҫыл заттарҙың береһе, беҙҙең коллегабыҙ Үрге Тәтешле ауылында йәшәй. Гөлзада Салауат ҡыҙы Харисова - райондың мәҙәни, иҡтисади, социаль тормошонда ҡайнап, яҡташтары менән тығыҙ аралашып, уларҙың ихтыяжын аңлап йәшәгән иң әүҙем, уңған ҡатын-ҡыҙҙарҙың береһе. Өфөләге музыка колледжын тамамлағандан һуң Башҡорт дәүләт университетының журналистика факультетына уҡырға инә. Тыуған төйәген ихлас яратҡан ҡыҙ Тәтешлелә бәхетен табып, ошонда татыу тормош ҡора. Әле ул район хакимиәтендә иң тынғыһыҙ бүлектәрҙең береһе – мәғлүмәт-аналитика бүлеген етәкләй. Район ҡатын-ҡыҙҙар йәмғиәте, йәштәр ойошмаһы эшмәкәрлеген ошо ҡыйыу, егәрле, һылыу башҡорт ҡыҙынан башҡа күҙ алдына килтереүе лә ауыр. Ҡайҙа ниндәй йөкмәткеле сара, махсус хәрби операцияла ҡатнашҡан яугирҙәргә гуманитар ярҙам ойошторола, район, республика, ил к