Бөтә донъя фестивалендә Башҡортостан стендының кинозалында масштаблы сарала ҡатнашыусылар, республиканың ике юғары уҡыу йорто етәкселәре һәм студенттары араһында тура бәйләнеш ойошторолдо. - Был майҙансыҡ - 2014 йылда Сочиҙа үткән Ҡышҡы олимпиада мираҫы инфраструктураһы. Ул икенсегә инде Бөтә донъя йәштәр фестивален үткәреү урыны булып тора. Программа бай һәм үҙ эсенә күргәҙмә экспозицияһын, мәҙәни, спорт, дискуссия программаһын һәм башҡа күп нәмәләрҙе ала, - тип билдәләне телекүпер барышында Башҡортостан Республикаһының Йәштәр сәйәсәте буйынса дәүләт комитеты рәйесе вазифаһын башҡарыусы Вито Сабиров. Быйыл фестивалдә Башҡортостандың 180 йәш һәм талантлы кешеһе, тағы ла 65 ирекмән ҡатнаша. Телекүпер сиктәрендә Өфө дәүләт нефть техник университеты ректоры Олег Баулин һәм Өфө фән һәм технологиялар университетының мәғарифты үҫтереү буйынса проректоры Юлия Рахманова фестивалдә ҡатнашыусыларға сәләмләү һүҙе менән мөрәжәғәт итте. Башҡортостандың ике алдынғы юғары уҡыу йорто вәкиле булған еге