Hissiy charchoq

YOSH BOLALI ONALARDAGI HISSIY CHARCHOQ

Yosh bolali onalardagi hissiy charchoq-bu tananing toliqishi tufayli paydo bo'ladigan inson xatti-harakatlaridagi o'zgarishlar hisoblanadi.

Sabablari turlicha: kimdir ham ishlab ham tarbiya bilan shug`ullanadi, kimdir bir nechta bolalarga yolg'iz o`zi qarashi kerak. Oilada onalar ba'zan juda ko'p vazifalarni o'z zimmalariga oladilar-bolani rivojlantirish va o'qitish, karyera, uy-ro`zg`or yumushlari va boshqalar, hissiy charchash va uning belgilarining paydo bo'lishiga olib keladi.

Hissiy charchoq asta-sekin paydo bo'ladi. Avvaliga onalar bor kuchi bilan bola tarbiyasidagi qiyinchiliklar va stressga qarshi kurasha olishadi, sekin asta surunkali charchoq va yetarli xordiq olmaslik natijasida “ruhiy portlash” yuz beradi. Bunda har qanday stress kuchli ta`sirchanlik va toliqishni keltirib chiqaradi. Onalar arzimagan narsaga asabiylashishadi, vaziyatni to`g`ri baholay olishmaydi, bolasini qattiq tanbeh berishadi, tan jarohati yetkazishi ham mumkin.

Asosiy belgilar:

• surunkali charchoq ,

• apatiya (befarqlik),

• asabiylashish va asossiz agressiya,

• doimiy vahima,

• uyqu buzilishi,

• tez-tez kasal bo`lish,

• ishtahani yo'qolishi.

Aniq tashxisni faqat mutaxassis qo`yadi va vaziyatni tahlil qilgan holda ruhiy toliqish, uni bartaraf qilish usullarini o`rgatadi.