Ростех дәүләт корпорацияһы генераль директоры Сергей Чемезов менән осрашыу

Башҡортостан Хөкүмәтенән хәбәр итеүҙәренсә,11 мартта Мәскәүҙә Башҡортстан Башлығы Радий Хәбиров Ростех дәүләт корпорацияһы генераль директоры Сергей Чемезов менән осрашты. Көн тәртибендә - республика менән бәйләнештәрҙе нығытыу һәм «Ростех» төркөмөнә инә торған сәнәғәт предприятиеларын нығытыу. Төбәк етәксеһе Башҡортостан индустриаль секторының тотороҡло эшләүен билдәләп үтте. Иҫегеҙгә төшөрәбеҙ: 2023 йыл һөҙөмтәләре буйынса республикала сәнәғәт етештереү индексы 106,5 процентҡа еткән. Был күрһәткесте формалаштырыуға Ростех предприятиелары ла ҙур өлөш индерә. Республиканың машина төҙөлөшө флагманы - ОДК-УМПО - 2025 йылда барлыҡҡа килеүенең 100 йыллығын билдәләп үтәсәк. Хәбиров һәм Сергей Чемезов иҫтәлекле датаға әҙерләнеү тураһында фекер алышты. - Был - илдең иң эре авиация предприятиеларының береһе. Һәм, әлбиттә, ойошманың юбилейын лайыҡлы ҡаршыларға кәрәк , - тине Сергей Чемезов. Осрашыуҙа республика предприятиеларының ҡайһы бер перспективалы проекттары, айырым алғанда, «Станкостстрой» НПО станок производствоһын үҫтереү өсөн, Стәрлетамаҡта һауыттарға тултырыу производствоһын булдырыу тураһында фекер алыштылар. - Беҙ Стәрлетамаҡта станоктар төҙөү кластерын үҫтерергә планлаштырабыҙ. Был проект ҙур инвестициялар йәлеп итер тип планлаштырыла. Республика унда ла әүҙем ҡатнашасаҡ, -тине Радий Хәбиров. Фото: БР Башлығы сайтынан.