“Пушкин картаһы” федераль программаһы сиктәрендә Краснокама районы Ҡуян ауылы Балалар сәнғәт мәктәбе уҡытыусыларының “Сәнғәткә ҡағыл” концерты үтте. Музыка бүлеге уҡытыусылары тыңлаусыларҙы ҡыуандырҙы һәм музыкаға ҙур һөйөүе менән уртаҡлашты. Классик әҫәрҙәрҙән башлап хәҙерге композицияларға тиклем сағыу концерт программаһы тәҡдим ителде, ул тамашасыларҙың ихтыяждарына яуап бирә. Концерт юғары һөнәри кимәлдә уҙҙы. Яуап итеп тамашасылар оҙайлы алҡыштар менән һәр музыкаль сығышҡа үҙҙәренең һоҡланыуын белдерҙе. “Пушкин картаһы” федераль программаһы Рәсәйҙә 2021 йылдың 1 сентябренән ил Президенты башланғысы буйынса ғәмәлгә ашырыла. Ул 14-22 йәшлек йәштәргә социаль ярҙам күрһәтеүгә һәм мәҙәни сараларҙы үткәреү мөмкинлеген арттырыуға йүнәлтелгән. Уның ярҙамында йәштәр театрҙарға, кинотеатрҙарға, музейҙарға, концерт залдарына һәм программала ҡатнашҡан башҡа мәҙәниәт учреждениеларына билет һатып алыу мөмкинлегенә эйә булды. Программа ярҙамында Краснокама районының яҡын-тирәләге мәктәптәренән өлкән класс уҡыусылары концерттарҙы ҡараны, шулай уҡ Ҡуян ауылының Балалар сәнғәт мәктәбе уҡытыусылары ойошторған күргәҙмәләрҙә, оҫталыҡ дәрестәрендә һәм арт-осрашыуҙарҙа булды. Программала ҡатнашҡан осорҙа коллектив ошондай 24 сара үткәрҙе, уларҙы 462 кеше килеп ҡараны. Билдәле булыуынса, “Мәҙәниәт” (национальный проект “Культура”) милли проекты Рәсәй Президенты Владимир Путиндың май указы менән булдырылды. Фото: Краснокама районы хакимиәте.