“Бында һәр халыҡта ҡаһарманлыҡ”

21 февралдә “Атайсал” мәҙәниәт үҙәгендә “Бында һәр халыҡта ҡаһарманлыҡ” (“Здесь доблесть в каждом из народов”) байрам концерты үтте. Сара өс байрамды – Халыҡ-ара туған тел көнөн, Ватанды һаҡлаусылар көнөн һәм Башҡортостан Республикаһының Дәүләт флагы көнөн берләштерҙе. Байрам ҡунаҡтарын Халыҡтар дуҫлығы йорто директоры Эльмира Саматова һәм Республика халыҡ ижады үҙәгенең генераль директоры Салауат Кирәев сәләмләне. Концерт тыуған еребеҙгә, телгә һәм геройҙарға арналған өс өлөштән торҙо: “Башҡортостан – бөйөк Рәсәйҙең сағылышы”, “Йөрәк менән һаҡланған туған тел”, “Ватанды һаҡлаусыларға – дан!” Байрам сараһы сиктәрендә башҡорт, рус, татар, мари, ҡырғыҙ, ҡытай, вьетнам телдәрендә йырҙар яңғыраны. Концертты Айгиз Хашимов, Юнир Һағынбаев, Ван Ма Цайран, До Нгог Аня, Анжелика Гулеян, Ырысбәк Шадыбеков, Иван Иликаев һәм башҡаларҙың сығыштары биҙәне. “Аманат” халыҡ бейеүҙәре ансамбле, “Ауаз” фольклор ансамбле, “Ловзар” кавказ халыҡ бейеүҙәре ансамбле, Әминә Мортазина һәм Давид Аллавердиев “Йылға буйында” чечен бейеүе менән тамашасыларға онотолмаҫ тәьҫораттар бүләк итте, төрлө телдәр һәм халыҡтар мәҙәниәтенә илтте. Ян Лираның “Һалдат” йыры һәм шағир Владимир Кузьмичевтың сығышы сараның биҙәге булып тора. Тамашасылар аяҡ өҫтө баҫып алҡышланы. Концерт Иосиф Кобзон исемендәге премия лауреаты, Өфө сәнғәт училищеһы студенты Максим Беляев башҡарыуында “Тыуған ер” йыры менән тамамланды. Сараның төп йөкмәткеһе – рус теле – күп милләтле Рәсәй халҡын берләштергән ҡеүәтле берләштереүсе көс. Был концерт йыр-моңдоң кешеләрҙе берләштерә, хәтирәләр тыуҙыра һәм беҙҙең донъяны бер аҙ сағыуыраҡ итә алыуына тағы бер дәлил булып тора. Беҙ бындай ғәжәйеп мәлдәрҙең бер өлөшө булыуы менән ғорурланабыҙ. Фото: Рәмил Нафиҡов. Мәғлүмәт: Республика халыҡ ижады үҙәге матбуғат хеҙмәте, “Атайсал” мәҙәниәт үҙәге матбуғат хеҙмәте.