Педиатрия буйынса лицензия алған медицина учреждениелары күбәйгән

Башҡортостанда педиатрия буйынса эшмәкәрлек алып барыуға лицензия алған медицина ойошмаларының һаны 7,5 процентҡа артҡан. 2022 йылдың аҙағына ошо йүнәлеш буйынса лицензияһы булған 438 ойошмаға былтыр 32 шәхси медицина ойошмаһы өҫтәлде. Педиатрия бер урында тормай. Балалар ауырыуҙарын диагностикалау һәм дауалауҙың яңы алымдары барлыҡҡа килә һәм индерелә, ауырыуҙарҙың үҫеш механизмдарын аңлау үҫешә һәм тәрәнәйә. Хәҙерге педиатрияның уңыштары ҡасандыр бик күп үлемесле балалар ауырыуҙарына сигенергә мәжбүр итте. Быға бер нисә балалар йоғошло ауырыуҙарына ҡаршы вакцина булдырыу, туҡланыу өсөн балансланған яһалма ҡатнашмалар әҙерләү, бактерияларға ҡаршы заманса препараттар эшләп сығарыу, диагностикалау һәм дауалауҙың сифатын күтәреү булышлыҡ итте. Әлеге ваҡытта медицина эшмәкәрлеген алып барыуға лицензияны беренсел теркәү - 15 көн, ә ҡабаттан рәсмиләштереү 10 көн тәшкил итә. Сығанаҡ: https://pravitelstvorb.ru/news/23112/