Ул Рәсәй Президенты Владимир Путиндың май указдары тарафанан раҫланған “Һаулыҡ һаҡлау” милли проектына (национальный проект “Здравоохранение”) ярашлы булдырылды. Башҡортостандың Һаулыҡ һаҡлау министрлығы хәбәр итеүенсә, был яңы дауалау пунктында Мәтәле, Салғыя, Усть-Әйәҙ һәм Усть-Үгеҙ ауылдарынла йәшәгән ике меңгә яҡны кеше медицина ярҙамы алыу мөмкинлегенә эйә. Амбулаторияла фельдшер кабинеты, сирлене ҡарау һәм процедура бүлмәләре, санузел, вакцинация урыны бар. “Заманса бина яңы медицина ҡорамалдары менән йыһазландырылған. Амбулатория барлыҡ санитар талаптарға яуап бирә, бүлмәләре уңайлы, бындай шарттарҙа сирлеләрҙе ҡабул итеү еңелләшә”, – ти фельдшер Мария Потапова. Беренсел медик-санитар ярҙамы күрһәтеү системаһын үҫтереү – “Һаулыҡ һаҡлау” милли проектының төп маҡсаттарының береһе. Ул фельдшер-акушер пункттары һәм күсмә медицина комплекстары төҙөүҙе, йыл һайын профилактик медицина күҙәтеүе үткәреүҙе күҙаллай. Фото: “Башинформ”.