Берләшкән Ғәрәп Әмирлектәре менән тышҡы сауҙа биш тапҡырға артҡан

«Халыҡ-ара кооперация һәм экспорт» милли проектын ғәмәлгә ашырыу барышында 2023 йыл йомғаҡтары буйынса Башҡортостан Республикаһы менән Берләшкән Ғәрәп Әмирлектәренең үҙ-ара тауар әйләнеше 2022 йыл менән сағыштырғанда 5,4 тапҡырға артҡан. Шуның менән бергә Башҡортостан менән Берләшкән Ғәрәп Әмирлектәренең тышҡы сауҙа әйләнеше 99 процентҡа Берләшкән Ғәрәп Әмирлектәренә экспорттан торған. Башҡортостан Республикаһының тышҡы иҡтисади бәйләнештәр һәм конгресс эшмәкәрлеге министры Маргарита Болычева Берләшкән Ғәрәп Әмирлектәренең төбәктең контрагент илдәре рейтингындағы позицияһы һәм үҙ-ара эш итеүҙең перспективалы йүнәлештәре тураһында һөйләне. Шулай уҡ Берләшкән Ғәрәп Әмирлектәрендә хеҙмәттәшлекте үҫтерергә теләгән эшҡыуарҙар өсөн 28 февралдә 11:00 сәғәттә (Мәскәү ваҡыты) аҙыҡ-түлек һәм косметика продукцияларын сертификатлауға, Берләшкән Ғәрәп Әмирлектәрендә хәләл сертификаты һәм брендты яҡлауға арналған вебинар үтәсәк. Башҡортостан компаниялары вәкилдәрен был сарала ҡатнашырға саҡыралар. Вебинарҙа ҡатнашыу өсөн 27 февралгә тиклем һылтанма буйынса Рәсәй экспорт үҙәге сайтында теркәлеү үтергә кәрәк: https://www.exportcenter.ru/events/ekspertnye-konsultatsii/602141/. Сығанаҡ: https://pravitelstvorb.ru/news/23100/