Бөтә донъя йәштәр фестивалендә ҡатнашыусылар тәүге видеоосрашыу үткәрҙе

Бөтә донъя йәштәр фестивалендә ҡатнашыусылар тәүге видеоосрашыу үткәрҙе 21 февралдә Башҡортостан дәүләт медицина университетында Башҡортостан Республикаһы, Үзбәкстан Республикаһы һәм Омск өлкәһе Бөтә донъя йәштәр фестивале ҡатнашыусыларының һәм ирекмәндәренең осрашыуы булып үтте. Ҡатнашыусыларҙы БР Йәштәр сәйәсәте буйынса дәүләт комитеты рәйесе вазифаһын башҡарыусы Вито Сабиров, БДМУ-ның ректор вазифаһын башҡарыусы Дамир Вәлишин, тәрбиә һәм социаль эштәр буйынса проректор Артур Мостафин, Омск өлкәһе йәштәр эштәре буйынса, физик культура һәм спорт министры Иван Колесник, Үзбәкстан йәштәренең Бөтә донъя ассоциацияһы рәйесе Отабек Шавкатов һәм Үзбәкстандың ирекмәндәр ассоциацияһы рәйесе Ширин Абидова сәләмләне. - Бөтә донъя йәштәр фестивалендә беҙҙең республиканан һайлап алыуҙы үткән 180 йәш кеше һәм 65 ирекмән ҡатнаша. Фестивалде үткәреү майҙансығында беҙ осрашыуҙарҙа, дуҫлыҡ церемонияларында күрешәсәкбеҙ, ижади фатирниктар үткәрәбеҙ. Бөтәгеҙҙе лә Башҡортостан Республикаһының төбәк стенды эргәһендә күреүгә шат булырбыҙ, - тине Вито Сабиров. Делегация осрашыуында ҡунаҡтар өсөн Башҡортостан менән таныштырыу булды, фестивалдең идеяһы, мәғәнәһе һәм программаһы тураһында тезистар яңғыраны, шулай уҡ илдәр һәм төбәктәр делегациялары менән тәүге онлайн осрашыу үтте. Башҡортостан мәҙәни шефлыҡ программаһы буйынса ошо өлкәгә беркетелгән. Мәғлүмәт һәм фото: https://pravitelstvorb.ru/news/23109/