Башҡортостан алдынғылар иҫәбендә
Уҡыусылар, бигерәк тә аҙ тәъмин ителгән ғаиләләрҙә тәрбиәләнгән балалар бер ҡатмарлыҡһыҙ спорт менән шөғөлләнә алырға тейеш. Республикаға идара итеү үҙәгендә сығыш яһап, Радий Хәбиров алдағы йылдарға ошондай бурыс ҡуйҙы. Башҡортостан Башлығы ҡарамағындағы физик культура һәм спорт буйынса Советтың ултырышы ла ошо һәм мәктәптә спорт үҫеше мәсьәләһенә арналасаҡ.Башҡортостан – мәктәп һәм балалар баҡсалары төҙөлөшө буйынса Рәсәйҙә алдынғылар иҫәбендә. Ошо хаҡта Мәскәүҙә Мәғариф көнөнөң эшлекле программаһында белдерелде. 2022 йылдан башлап «Мәғариф» һәм «Демография» милли проекттарын бойомға ашырыу маҡсатында Башҡортостанда 38 мең бала уҡыған 140 белем усағы яңыртылған. 215 спорт залы һәм 25 асыҡ спорт майҙансығы төҙөкләндерелгән. Биш йыл эсендә республикала 44 яңы мәктәп һәм 65 яңы балалар баҡсаһы төҙөлгән. Республика мәктәптәрҙе капиталь ремонтлауға ғариза биреүҙе дауам итәсәк, тине Радий Хәбиров. Һуңғы йылдарҙа Рәсәй почтаһының эшмәкәрлеге һүлпәнәйеп бара ине. Әммә ил етәкселеге предприятиеға иғтибар бүлә башланы һәм яңы йөкләмәләр бирелә. Быйыл Башҡортостанда Рәсәй почтаһының 21 бүлексәһен асыу ҡарала. “Атайсал – яҡташлыҡ көсө” өсөнсө республика форумы быйыл 27-28 апрелдә Өфөлә үтә. Уға тиклем сараның район кимәлендәге осрашыуҙары ойошторола. Уларҙа ярҙам итеүсе яҡташтары тураһында бәйән ителә, пландар билдәләнә. Социаль проект 2021 йылда Башҡортостан Башлығы башланғысы менән старт алды. Ошо арауыҡта 22 мең самаһы эштәр атҡарылған. Ултырышта “Алға” айырым иҡтисади биләмәне киңәйтеү мәсьәләһе ҡаралды. Һүҙ Өфө районындағы 106 гектар майҙан тураһында бара. Бында бер-нисә инвестор килгән дә инде. Алдағы йүнәлеш — Ағиҙел. Ҡалала айырым иҡтисади биләмәгә индерә торған учаскалар раҫланған, проекттарҙы тормошҡа ашырыу өсөн инвесторҙар эҙләнә. Бынан тыш Салауат ҡалаһы ла күҙ уңында тотола. 2023 йылда Башҡортостанда аҙыҡ-түлек бойондороҡһоҙлоғо буйынса күрһәткестәргә ирешелгән. Төбәк етештереүселәре төп ризыҡтар менән республика халҡын тәьмин итә. Мәҫәлән, беҙгә һөт һәм һөт продукцияһы, сусҡа, һыйыр ите, шәкәр, көнбағыш майы, картуф, яңы үҫтерелгән ҡыяр һәм помидор бөтөнләй кәрәкмәй, үҙебеҙҙә етәрлек. Ә бына ҡош ите, он һәм он изделиелары, сыр һәм борщ өсөн йәшелсә тупланмаһын ситтән индерергә мәжбүрбеҙ.Республика – урта белем биреү учреждениелары һаны буйынса Рәсәйҙә лидер булып тора. Башҡортостанда 92 колледж һәм 44 филиалы эшләй. Уларҙа 99 меңгә яҡын студент белем ала. Кадрҙар 118 эшсе һөнәр һәм 173 специальность буйынса әҙерләнә. Башҡортостан Башлығы төбәк менән сиктәш райондарҙа колледж филиалдарын асырға ҡушты. Башҡортостан 2022 йылдан алып “Профессионалитет” федераль проектының әүҙем ҡатнашыусыһы. Уны тормошҡа ашырыуҙа республика хөкүмәте лә булышлыҡ итә, йыл һайын төбәк ҡаҙнаһынан капиталь ремонтҡа аҡса бүленә. Мәҫәлән, 2022 йылда 114 миллион ярым, 2023 йылда – 253 миллион һум йүнәлтелгән. Быйыл беҙҙә 6 кластер булдырыла һәм дөйөм һаны 14-кә етә. Рәсәйҙә ошондай үҙәктәр ойоштороу буйынса Башҡортостан беренсе урында килә. Радий Хәбиров әгәр колледжда ремонт эшләнһә, уның ятағы ла төҙөкләндерелергә тейеш, тип билдәләне.Был аҙнала республика халҡы Ватанды һаҡлаусылар көнөн билдәләй. Башҡортостан Башлығы муниципалитет етәкселәренә мөрәжәғәт итеп, был сараны уҙғарыуға яуаплы ҡарарға ҡушты. Бигерәк махсус хәрби операцияла ҡатнашыусыларға, унда һәләк булыусыларҙың яҡындарына, ғаилә ағзаларына иғтибар бүлергә саҡырҙы.
Смотрите видео
--------------------------
Присоединяйтесь к каналу Башкортостан 24 в Дзен и Telegram-канал Вести Башкортостан, и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».