Мөрәжәғәттәрҙе ҡыҫҡа ваҡыт эсендә ҡарарға тырышабыҙ

Хөрмәтле партнерҙар! Күрһәтелгән хеҙмәттәрҙең сифатын күтәреү, шулай уҡ яҙылыусыларҙың мөрәжәғәттәрен ҡарау ваҡытын оптималләштереү өсөн “Рәсәй Почтаһы” акционерҙар йәмғиәтендә дәғүә итеү эше буйынса берҙәм үҙәкләштерелгән тәртип ойошторолоуы тураһында белдерәм. Әлеге ваҡытта “Рәсәй Почтаһы” акционерҙар йәмғиәтенең рәсми сайтында (https://www.pochta.ru) нәшер итеүселәрҙән һәм яҙылыусыларҙан электрон мөрәжәғәттәрҙе рәсмиләштереү өсөн сервис эшләй – https://www.pochta.ru/claim. Сайтта мөрәжәғәттәр яҙылыу төрөнә ҡарап бирелә: яҙылыу “Рәсәй Почтаһы” акционерҙар йәмғиәте сайтында рәсмиләштерелгән яҙылыу почта элемтәһе бүлексәһендә йәки нәшриәттә рәсмиләштерелгән Мөрәжәғәттәр “online-яҙылыу буйынса мөрәжәғәт” бүлегендә бирелә Мөрәжәғәттәр "Почта элемтәһе бүлексәһендә йәки нәшриәттә яҙылыу буйынса мөрәжәғәт" бүлегендә бирелә Мәғлүмәтте дөрөҫ тултырыуға айырыуса иғтибар итәбеҙ, сөнки мөрәжәғәттең һөҙөмтәһе һәм уны ҡарау ваҡыты туранан-тура ошоноң менән бәйле. Һеҙҙең уңайлылыҡ өсөн электрон мөрәжәғәтте рәсмиләштереү буйынса инструкция әҙерләнек (1-се ҡушымта). Мөрәжәғәттәрҙе ҡарау ваҡыты РФ ҡануниәте менән көйләнә һәм мөрәжәғәт теркәлгәндән һуң 30 көндән артмай. Беҙ яҙылыуҙың әһәмиәтен аңлайбыҙ һәм мөрәжәғәттәрҙе ҡыҫҡа ваҡыт эсендә ҡарарға тырышабыҙ. Шулай уҡ яҙылыу килешеүе буйынса күрһәтелгән хеҙмәттәрҙең сифатына ҡағылышлы мөрәжәғәттәрҙе “Рәсәй Почтаһы” акционерҙар йәмғиәтенең ярҙам хеҙмәтенә client@russianpost.ru электрон адресына ебәреү йәки 8-800-1000-000 һандары буйынса шылтыратыу мөмкинлеге бар. “Рәсәй Почтаһы” акционерҙар йәмғиәте яҙылыу баҙарында ҡатнашыусыларҙың барыһы менән дә оҙайлы мөнәсәбәттәр булдырыуҙы маҡсат итеп ҡуя. Беҙ күрһәтелгән хеҙмәттәрҙең сифатын арттырабыҙ һәм яҙылыуҙы арзаныраҡ итәбеҙ. 1-се ҡушымта “Рәсәй Почтаһы” акционерҙар йәмғиәте сайтында электрон мөрәжәғәтте рәсмиләштереү буйынса инструкция Теркәлеү үтергә кәрәк. Һеҙҙең ойошмала мөрәжәғәттәр менән эшләү өсөн яуаплы хеҙмәткәр (физик шәхес) менән бәйләнешкә инергә кәңәш итәбеҙ. https://www.pochta.ru/claim һылтанмаһы буйынса электрон мөрәжәғәттәрҙе рәсмиләштереү сервисында яҙылыуҙы рәсмиләштереү ысулын һайларға: Яҙылыуҙы “Рәсәй Почтаһы” акционерҙар йәмғиәте сайтында рәсмиләштергән осраҡта – online-яҙылыу буйынса мөрәжәғәт; Почта элемтәһе бүлексәһендә йәки нәшриәттә яҙылыу буйынса мөрәжәғәт – каталог буйынса бүлексәлә, редакция сайтында йәки башҡа ысулдар менән заказ биргән клиенттар өсөн.