Былтырғы йыл йомғаҡтарына ярашлы, Башҡортостан менән Малайзия араһындағы тауар әйләнеше алдағы йылға ҡарата 8,6 тапҡырға күберәк булды, тип хәбәр итә республиканың Тышҡы иҡтисади бәйләнештәр һәм конгресс эшмәкәрлеге министрлығы. Был осраҡта Башҡортостандан экспорт 18,7 тапҡырға артҡан. Үткән йыл Малайзия беҙҙең республиканан нигеҙҙә химия сәнәғәте тауарҙарын – резина, каучук һәм уларҙан эшләнгән әйберҙәрҙе – һатып алған. Белгестәр был ил менән сауҙала бойҙай һәм меслин (бойҙай менән арыштың ҡушылмаһы), үҫемлек майҙары, ашлама, бысылған ағас материалдар, углерод, машиналар һәм механик ҡоролмалар һатыуҙың да киләсәге һәйбәт булыуын күрә. Рәсәй Президенты Владимир Путиндың май указдары тарафынан раҫланған “Халыҡ-ара кооперация һәм экспорт” милли проектының (национальный проект «Международная кооперация и экспорт») маҡсаты – 2030 йылға сеймалға ҡарамаған тауарҙарҙы экспортлау күләмен 2020 йыл менән сағыштырғанда 70 процентҡа арттырыу. Фото: “Башинформ”.