Башҡортостан - өс йыл рәттән тәүге алдынғы өсәү иҫәбендә

“Башҡортостан өс йыл рәттән Рәсәй Сәнәғәт-сауҙа министрлығының сәнәғәт сәйәсәтен үткәреү һөҙөмтәлелеге буйынса рейтингта тәүге алдынғы өсәү иҫәбенә инә. Һәр өйҙә тиерлек Башҡортостан аш содаһы бар, беҙҙең быяла юғары технологиялы продукция етештереүҙә, автобустарҙа, көҙгөләрҙә Өфөнән авиация двигателдәрендә – һәр хәрби самолетта тиерлек - ҡулланыла. Был теҙмәне оҙаҡ дауам итергә була. Төбәктә сәнәғәттең йылдам үҫеүенә дәүләт ярҙамы ныҡ булышлыҡ итә. Рәсәй Федерацияһы Хөкүмәте, Сәнәғәт-сауҙа министрлығы индустриаль секторҙы үҫтереүгә киң мөмкинлектәр аса. Һуңғы биш йылда республикала сәнәғәт комплексына дәүләт ярҙамы 12 миллиард һумдан ашыу тәшкил иткән. Беҙ үҙебеҙҙең республика программаларын да уңышлы үҫтерәбеҙ, шуның менән сәнәғәтселәргә артабан үҫешергә оптималь шарттар булдырабыҙ. Башҡортостан Республикаһының Сәнәғәтте үҫтереү фондының ярҙамы ҙур - бөгөн һәр эшҡыуар льготалы процент менән займ алыуға иҫәп тота ала. Әлегә тиклем 162 проект 53,3 млрд һумлыҡ ярҙам алған. Былтыр ғына фонд аша 44 проект дөйөм инвестиция күләме 12,2 миллиард һумлыҡ ярҙам алған, шулай уҡ предприятиеларға пилотһыҙ авиация системалары өлкәһендә 205,8 млн һумға өс грант бүленгән. Был һандар артында - производстволарҙың реаль үҫеше һәм меңәрләгән эш урыны булдырыу. Сәнәғәтте үҫтереүҙәге мөһим инструменттың тағы береһе - кластер программаһы. 2023 йыл йомғаҡтары буйынса Башҡортостан - сәнәғәт кластерҙары төҙөү буйынса алдынғы төбәктәр иҫәбендә. Хәҙерге ваҡытта улар туғыҙ, был йүнәлештә эште дауам итергә планлаштырабыҙ. Шулай уҡ Башҡортостанда 12 индустриаль парк һәм 19 технопарк теркәлгән. Был программала ҡатнашҡан етештереүселәр әҙер майҙансыҡтарҙа производствоһын башлап ебәреү, шулай уҡ дәүләт ярҙамы – субсидия алыу мөмкинлегенә эйә”, тип яҙҙы социаль селтәрҙә Башҡортостан Республикаһы Хөкүмәте Премьер-министры Андрей Назаров. Сығанаҡ: https://vk.com/wall555400080_10500