Башҡортостанда 2024 йылда «Хәүефһеҙ һәм сифатлы юлдар» милли проекты сиктәрендә Иглин районында Өфө - Охлебинин юлын төҙөкләндереү ҡаралған. Юлсылар биш саҡрым оҙонлоҡтағы участканы тейешле хәлгә килтерергә ниәтләй. Төҙөүселәр юл япмаһын яңыртасаҡ, юл ситтәрен тәртипкә килтерәсәк һәм юл тамғалары һыҙасаҡ. Был эштәргә 73 миллион һумдан ашыу аҡса йүнәлтелә. - Өфө - Охлебинин юлы - туристар араһында популяр йүнәлеш. Башҡортостандың баш ҡалаһынан 42 саҡрым алыҫлыҡта урынлашҡан Охлебинин ауылынан алыҫ түгел, Ағиҙел йылғаһының уң яҡ ярында матур Охлебинин мәмерйәһе урынлашҡан, унда туристар күп килә, - тип һөйләне Башҡортостан Республикаһының транспорт һәм юл хужалығы министры Александр Клебанов. 2024 йылдың башына ошо юлдың 67,1% норматив торошта. Шуға күрә был йүнәлеште ремонтларға ҡарар ителде. Ремонттан һуң Өфө - Охлебинин юлының 89,3 проценты нормативҡа тап киләсәк. Апрель-май айҙарында йылы көндәр башланғас та юлсылар ремонт эштәрен башлаясаҡ. Барлыҡ эштәрҙе 2024 йылдың аҙағына тиклем тамамлау күҙаллана. Сығанаҡ: https://pravitelstvorb.ru/news/23026/