Табиптар сыҡты майҙанға
Дим районы клиник дауаханаһының спорт яратыусы коллектив икәнен бөтә республика белә. Был дауахана табиптарын яратҡан эштәренән тыш, спортҡа һөйөү ҙә берләштерә. Ошо көндәрҙә “Алға” спорткомплексында улар мини-футбол буйынса турнир ойошторҙо. Унда 4 команда - дауахананың поликлиника хеҙмәткәрҙәре, реанимация, хирургия бүлектәре табиптары һәм Республика һуғыш ветерандары клиник госпитале табибтары көс һынашты. Сәләмәт тормош яҡлы замандаштырыбыҙ уйынын хәбәрсебеҙ Альбина Зәйнетдинова күҙәтте.Футбол майҙанында реаниматологтар, хирургтар, поликлиника хеҙмәткәрҙәре һәм башҡа табиптар. Кеше сәләмәтлеге һағында торған һөнәр эйәләре әүҙем тормош яҡлы. Дим биҫтәһе ҡала клиник дауаханаһы табиптары инде 4 йыл рәттән һәр шәмбе йыйылышып футбол уйнай һәм даими рәүештә ошо спорт төрө буйынса турнирҙар ойоштора. Маҡсаты бер — кешеләрҙе сәләмәт тормошҡа ылыҡтырыу.Хәбәрсе. Һуғыш ветерандары республика клиника госпитале табиптары ла бындай турнирҙарҙың даими ҡатнашыусылары. Көсөргәнешле режимда эшләп спортҡа ваҡыт табыуы ҡыйын. Ойоштороусылар булғанда, бындай осрашыуҙарҙан ҡалмаҫҡа тырышабыҙ, ти табиптар. Уйын һәр ваҡыттағыса көсөргәнешле барҙы. Ололар ҙа, йәштәр ҙә ал бирмәй, сәмләнеп уйнаны. Дим биҫтәһе ҡала клиник дауаханаһында 1000-дән ашыу хеҙмәткәр эшләй. Табиптар халыҡты диспансеризация үтергә саҡыра, сәләмәт тормошҡа әйҙәй һәм был тәңгәлдә һәр кемгә өлгө лә булып тора. Әле көйәрмәндәр рәтендә торған ҡатын-ҡыҙҙар үҙҙәре команда туплап волейбол уйнай, даими рәүештә саңғы ярыштарында ҡатнаша, балаларын да спортҡа ылыҡтыра. Ойоштороусылар башҡа һаулыҡ һаҡлау ойошмаларын йәлеп итеп бындай осрашыуҙарҙы мөмкин тиклем йышыраҡ уҙғарырға ниәтләй. Сөнки спорт йәшәүгә көс бирә, дәрт тә ҡабыҙа.
Смотрите видео
--------------------------
Присоединяйтесь к каналу Башкортостан 24 в Дзен и Telegram-канал Вести Башкортостан, и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».