Робот ярҙамға килә
Башҡорт Дәүләт Медицина университеты клиникаһы хирургтары яңы робот ярҙамында тәүге тапҡыр тубыҡ быуынына операция яһаны. Бындай аппарат республикала тәүгә барлыҡҡа килә. Тулыраҡ Гөлфиә Мәҡсүтова репортажында.Операция яһау өсөн Мәскәү ҡалаһынан Сеченов университеты профессоры Андрей Грицюк килде. Тәүҙә ул студенттарға яңы роботтың мөмкинлектәре һәм уның менән идара итеү хаҡында һөйләне.Башҡорт Дәүләт Медицина университеты студенттары операция барышын тура эфирҙа ҡараны. Өфөлә заманса технологиялар менән йыһазландырылған клиника Волга буйы федераль округында берҙән-бер.Операция өҫтәлендә алтмыш йәштән өлкән ҡатын. Ул тубыҡ ауыртыуынан яфалана. Башҡорт Дәүләт Медицина Университетында уға робот ярҙамында уникаль операция үткәрергә тәҡдим итәләр. Элек хирургтар һөйәкте титан ярҙамында ҡырҡып алһа, ә бөгөн барыһы ла лазер ярҙамында башҡарыла. Автономлы роботлаштырылған хирургия сиситемалары дөйөм алғанда хирургия һәм айырым эндопротезлау үҫешендә яңы алым тора. Бөгөн был технология юғары технологиялы медицина ярҙамы өлкәһендә популярлыҡ яулай. Робот бөтә процедураларҙы теүәл башҡара. Уның ярҙамында пациенттың тыбыҡ буңыуынында эндопротез ҡуйыу өсөн урын барлыҡҡа килә. Бөтә процедура сәғәт ярым ваҡыт ала. Яңы алым пациенттарға ҡыҫҡа ваҡыт эсендә тулы тормошҡа ҡайтырға мөмкинселек бирә. Операция барышын тура эфирҙа ординаторҙар ҙа күҙәтте. Белгестәр билдәләүенсә, клиника йылдан-йыл камиллаша бара һәм заманса технологиялар ярҙамында эшләү тәжрибәһе лә яйға һалына.
Смотрите видео
--------------------------
Присоединяйтесь к каналу Башкортостан 24 в Дзен и Telegram-канал Вести Башкортостан, и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».