Эш башлар алдынан халыҡ менән кәңәшләш
Башҡортостан Беларусь менән хеҙмәттәшлек даирәһен киңәйтеп, Өфөнән Минскийға авиарейстар һанын арттырыу яғында. Бынан тыш, республиканың үҙендә лә үҙгәрештәр көтөлә. Мәҙәниәткә ҡағышылшы яңылыҡтарҙың береһе – баш ҡалала Аксаковтың йорт-музейын тулыһынса яңыртыу. Бинаны ремонтлау киләһе йылда башлана. Ошо турала республика менән идара итеү үҙәгендә Башҡортостан башлығы Радий Хәбиров етәкселегендәге оператив кәңәшмәлә белдерелде. Ултырышта ҡаралған башҡа мәсьәләлр тураһында хәбәрсебеҙ Ғәлимйән Ибәтуллин әҙерләгән сюжетта. Башҡортостан өсөн уҙған аҙна ысын мәғәнәһендә, һынау осорона әйләнде. Тәү сиратта, ул республиканың халыҡ-ара иҡтисади даирәһендә урынын нығытыу. Миҫал итеп, Белорусиялағы осрашыуҙарҙы атап булһа, икенсеһе һауа торошо. Февралдең беренсе аҙнаһында республика ҡотҡарыусылары Башҡортостанда йәшәүселәрҙе һауа торошо ҡатмарлашыуы тураһында 4 тапҡыр махсус иҫкәрткән. Ҡыуандырғаны – төбәктә коронавирус йоҡтороусолар һаны кәмеүе. Көндәлек яңылыҡтар менән бергә бурыстар ҙа юҡ түгел. Башҡортостан тыштан ғына түгел, ә эстән дә үҙен матурлай. Һүҙ ҡала-райондарҙағы парктар хаҡында. Өфө, Салауат, Стәрлетамаҡ ҡалаларында йәшел массивтарҙа ҙур үҙгәрештәр көтөлә. Бынан тыш, республика халҡы теге йәки был биләмәне, парк, урамдарҙы яңыртыуҙы үҙе һайлай ала. Хәҙер был үҙгәрештәрҙе халыҡҡа еткерергә кәрәк. Башҡортостан башлығы Радий Хәбиров Өфөләге “Урмансылар паркының” айырым иғтибарҙа икәнлеген билдәләй. Парк-аллеялар, йәмәғәт урындарының һаулығы сикләнгән граждандар өсөн ҡулайлы булыуы шарт. Бигерәк тә быйыл, Башҡортостанда иғлан ителгән махсус йыл сиктәрендә уға айырым талап. Тотош йылды бойомға ашырыу өсөн, республика 153 пунктан торған документ ҡабул итте. Уларҙың береһе – май айында эш башлаясаҡ социаль такси. Инвалид һәм сәләмәтлеге сикләнгән балалар өсөн быйыл хатта айырым шифахана асыу маҡсаты ҡуйылған. Дөйөм эшкә һәр район-ҡала ҡушылырға бурыслы. Радий Хәбиров муницпаль биләмәләрҙең ошонда үҙ программаһын булдырыу кәрәклеген дә әйтте. Дүшәмбеләге оператив кәңәшмәнең хәҙер айырым традициялары бар. Ултырышта Башҡортостандың иң эре предприятиелары етәкселәре башҡарылған эш тураһында Хөкүмәт алдында яуап тота. Был юлы “Башспирт” компанияһындағы үҙгәрештәр барланы. Ширҡәт, ниһәйәт, килем күләмен арттырыуға өлгәшкән. Авария хәлендәге йорттарҙа йәшәүселәрҙе сифатлы торлаҡ менән тәьмин итеү социаль сәйәсәттең именлеген билдәләүсе төп фактор. Һуңғы бер-нисә йылда Башҡортостанда 5 меңгә яҡын кеше ярым емерек өйҙәрен фатирҙарға алыштыра алған. Әммә, республикала 580 күп фатирлы йорт, өй бөгөн-иртәгә ауырға тора. Радий Хәбиров мәсьәләгә ентекле ҡараш талап итте.
Смотрите видео
--------------------------
Присоединяйтесь к каналу Башкортостан 24 в Дзен и Telegram-канал Вести Башкортостан, и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».