Башҡорт дәүләт опера һәм балет театрында премьера
Мостай Кәримдең билдәле пьесаһы буйынса Салауат Низаметдинов яҙған “Ай тотолған төндә” халыҡ шағирының 105 йыллығына арнала. Опера премьераһын беҙҙең хәбәрселәр ҙә ҡараны. Өфө тамашысыһына Кармен, Любаша образдары аша яҡшы таныш Любовь Буторинаның башҡорт милли операһында был тәүге роле. Шуға ла премьера алдынан икеләтә тулҡынланыу кисерә. Бөйөк яҙыусы, драматург һалған мәңгелек фәлсәфәләр операла бөйөк композитор оҫталығы менән көсәйтелгән. Башҡорт йолаларына таянып яҙылған әҫәрҙең рус телендә яңғырауы тамашасылар һанын арттыра. Ғәҙеллек, ҡағиҙәләргә буйһоноу, бурыс һәм мөхәббәт тойғоларының һәр милләт өсөн уртаҡ икәнлеген раҫлай. Премьера дирижеры итеп Салауат Низаметдинов менән опера яҙған мәлдә бергә эшләгән Валерий Платонов саҡырылғҡан. Ҡуйыусы рәссам – Петербургтан Екатерина Малинина. Төбәк мәҙәниәте менән яҡындан танышыр өсөн уға Милли музейҙа булырға, башҡорт йолаларын белгән кешеләр менән аралашырға тура килгән. Диуана ролен башҡарған Мәскәүҙең Геликон опера театры артисы Василий Ефимовты иһә роль сәсен алдырырға мәжбүр иткән. Театр коллективын премьера менән ҡотларға Мостай Кәримдең ҡыҙы, шағир исемендәге Фонд етәксеһе Әлфиә Кәримова ла килгән. Тамашасылар, ысынлап та, премьеранан ҡәнәғәт ҡалғанын белдерҙе. Яңы йылда опера һәм балет театры тоғро тамашасыһын тағы ла яңы спектаклдәр менән һөйөндөрөргә ниәтләй. “Ай тотолған төндә” операһын иһә сәхнәлә йәнә бер айҙан ғына ҡарарға мөмкин. Киләсәктә Башопера репертуарында был сағыу спектакль лайыҡлы урынын алыр, тигән ышаныста ҡалайыҡ.
Смотрите видео
--------------------------
Присоединяйтесь к каналу Башкортостан 24 в Дзен и Telegram-канал Вести Башкортостан, и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».