Һуңғы көндәрҙә тышта ҡышҡа хас булмағанса йылытып, һауа температураһы “плюс”ҡа әйләнде. Ҡайһы берәүҙәр яҙ иртә килер ахыры, тип ҡыуана ла башлағайны, тик синоптиктар иҫкәртә: ҡыш әле дауам итә. Алдағы көндәрҙә һыуыта. Бөгөн ҡар яуа, ул епшек ҡарға әйләнә. Көндөҙ көньяҡ райондарҙа көслө яуым-төшөм көтөлә. Сымдарға һәм ағастарға епшек ҡар һырый, боҙлауыҡ була. Урыны менән буран, юлдарҙа көрт, боҙлауыҡ. Ел көньяҡ-көнбайыштан талғын, урыны менән көсәйеүсән. Һауа температураһы көндөҙ 0, -5 градус. 9 февралдә төндә бер аҙ ҡар яуа, айырым райондарҙа - буран. Юлдарҙа көрт, боҙлауыҡ. Ел көньяҡ-көнбайыштан талғын, урыны менән көсәйеүсән. Һауа температураһы -10...-15 градус. Көндөҙ бер аҙ ҡар яуыуы фаразлана. Ел көньяҡ-көнбайыштан талғын. Һауа температураһы -7...-12 градус. 10 февралдә Башҡортостанда бер аҙ ҡар яуыуы көтөлә. Ел көньяҡ-көнбайыштан талғын. Һауа температураһы төндә -16...-21 градус, аяҙытҡанда -26-ға тиклем. Көндөҙ -12...-17 градус. Нәсих Хәлисов фотоһы.