Мәскәүҙә “Рәсәй” Халыҡ-ара күргәҙмә-форумы дауам итә. 2023 йылдың 4 ноябренән 2024 йылдың 12 апреленә тиклем үткән форум сиктәрендә беҙҙекеләр әүҙемлек күрһәтә. Бөтәбеҙгә лә билдәле Сибай концерт-театр берекмәһенең ижади төркөмө лә унда ҡатнашыу маҡсаты менән Мәскәүгә юлланған. Барып еткәс тә, улар, тәү сиратта, Ҡыҙыл майҙанда бейеп, йырлап, башҡорт халҡының милли музыкаль ҡоралы – ҡурайҙа уйнап күңел асҡан, мәскәүҙәрҙе хайран ҡалдырған. Яҡташтарыбыҙға “афарин” тиергә генә ҡала. Уларға эштәрендә уңыштар теләп, имен-һау йөрөп ҡайтыуҙарын теләйек! Сығанаҡ: Сибай концерт-театр берекмәһенең “Бәйләнештәге” төркөмө.