ВДНХ-ла Башҡортостан стенды биләмәһендә фәнни программа өс көн дауам итәсәк: 6 февралдә “Фән технологиялары көнө” үтә, 7 февралдә – “Фәнни белем биреү үҙәге”, 8 февралдә – “Фән көнө” уҙғарыла. Программаның девизы – фәндең мәғәнәһе бар. Был көндәрҙә республика стендында фәнни белем биреү үҙәге ғалимдарының ҡаҙаныштары күрһәтеләсәк. Ҡунаҡтар лаборатор тикшеренеү эштәрендә ҡатнаша, банандың ДНК-һын билдәләй, дарыу препараттарының сифатын асыҡлай ала. Ғалимдар йыһанда ни өсөн тараҡандарҙы үрсетеү мөһимлеге тураһында ла һөйләй. Күргәҙмәне күрергә килгән йәш быуын деталдәрҙән самолет, бәләкәй электр двигателе йыя ала, викториналарҙа ҡатнаша. БДМУ ғалимдары үҙҙәре уйлап сығарған өҫтәл уйындарын тәҡдим итәсәк, ӨДНТУ ғалимдары киләсәктәге кейемдәр тураһында һөйләйәсәк. Палеонтология һәм археологияны яратыусыларға ғалимдар Өфөнән алыҫ түгел табылған мамонт тешен күрһәтәсәк. Фото: Башҡортостандың Мәғариф һәм фән министрлығының матбуғат хеҙмәте.