2030 йылға тиклем мораторий
Республика башлығы ҡаҙылма байлыҡтар буйынса ведомство-ара комиссияның Учалы районында үткән күсмә ултырышына йомғаҡ яһаны. Роснедра менән Башҡортостан биләмәһендә алтын эшкәртеүгә лицензия биреүгә 2030 йылға тиклем мораторий индерергә килешелгән. Быға тиклем бирелгән лицензиялар ошо осорға тиклем тәртипкә килетереләсәк. Радий Хәбиров был турала Хөкүмәттә үткән оператив кәңәшмәлә белдерҙе. Унда ҡаралған мәсьәләләргә хәбәрсебеҙ Нәфисә Кинйәбаева байҡау яһаны. Башҡортостанда ҡаҙылма байлыҡтарҙы вәхшиҙәрсә сарыф итеүгә сик 2018 йылдан ҡуйылды. Алтын табыуға ҡағылған лицензияларҙың биштән бере ғәмәлдән сығарылған. Радий Хәбировтың башланғысы менән төҙөлгән ведомство-ара комиссия был өлкәлә тәртип урынлаштырыуҙы власть органдары менән күҙәтеүсе хеҙмәттәр, бизнес һәм йәмәғәтселектең берҙәм тырышлығы менән бойомға ашыра.Учалыла киҫкен торған йәнә бер мәсьләлә – ҡаланы һыу менән тәьмин итеү. Эш сәфәре барышында граждандарҙан алған мөрәжәғәтте Радий Хәбиров торлаҡ-коммуналь хужалыҡ министрына йүнәлтте. Яңы һыуүткәргестең хаҡы 140 миллион һум тирәһе. Бынан тыш, һаулыҡ һаҡлау министрлығына Учалы дауаханаһының хирургия бинаһы төҙөлөшөн тамамлау йөкләмәһе бирелде. Республика етәксеһе 2025 йылда уны файҙаланыуға тапшырыу бурысын ҡуйҙы. Үткән аҙнала республиканың балалар клиника дауаханаһында асылған онкология һәм гемотология бүлегенә юғары баһа биреп Радий Хәбиров төбәктә һаулыҡ һаҡлау өлкәһен артабан да камиллаштырыу зарурлығына баҫым яһаны. Быйыл Республика кардиология диспансерының яңы корпусын асыу көтөлә.Өфөлә яңы асылған вуз-ара кампус бинаһында Радий Хәбиров мәктәп уҡыусылары һәм колледж студенттары өсөн экскурсиялар, ә ғалимдар һәм аспиранттар өсөн асыҡ ишектәр көнө ойошторорға тәҡдим итте. Рәсәй Геройы Максим Серафимов исемендәге “Патриот” паркында Башҡортостан Башлығы ҡушыуы буйынса кадеттар өсөн осрашыуҙар үтәсәк. Хәрби-илһөйәрлек тәрбиәүи әңгәмәләрҙе дауам итеү мөһим. Күҙгә-күҙ аралашыуҙың ыңғай һөҙөмтәһен республика етәксеһенең блогерҙар менән осрашыуы ла иҫбатланы. Ә бына хакимиәт башлыҡтарының урындарҙа “Управдом” форумынә әҙерлек алып барыуын Радий Хәбиров ҡаты тәнҡиткә тотто. Ҡайһы бер муниципалит етәкселәре кешеләр менән осрашыуҙарға һүлпән ҡарай, тип белдерҙе республика башлығы. “Айыҡ ауыл” конкурсында ҡатнашырға теләгән муниципалитеттар һаны йылдан йыл арта. Быйыл бәйгенең приз фонды 48 миллион һумға еткерелгән. Был хаҡта Дәүләт Думаһы депутаты Бөтә Донъя башҡорттары ҡоролтайы президиумы рәйесе Эльвира Айытҡолова белдерҙе. Конкурстың муниципаль этабында 1070 ауыл ҡатнашҡан, республика күләмендәге ярышҡа 52 ауыл үткән. Йомғаҡлау форумы 25 апрелдә Өфөлә көтөлә. “Айыҡ ауыл” конкурсы эскелекте бөтөрөүгә генә түгел, ә ауылдарҙы төҙөкләндереүгә лә булышлыҡ итә. Үткән дүрт йылда еңеүгә өлгәшкән ауылдарҙа приз аҡсаһы иҫәбенә яңы балалар һәм спорт майҙансыҡтары, парк һәм йәмәғәт биләмәләре барлыҡҡа килгән. Оператив кәңәшмәлә Башҡортостан Башлығы махсус хәрби операциянан ҡыҫҡа ваҡытлы ялға ҡайтҡан яҡташтарҙы Шайморатов миҙалдары менән бүләкләне. Хәрбиҙәр “Башҡортостан” мотоуҡсылар ирекмән полкында дәүләт мәнфәғәттәрен яҡлай.
Смотрите видео
--------------------------
Присоединяйтесь к каналу Башкортостан 24 в Дзен и Telegram-канал Вести Башкортостан, и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».