Дүртөйлө районының Мәскәү мәктәбе уҡыусылары үткән йылда инициатив бюджетлау проектында ҡатнашып, еңеү яулағайны. Улар быйыл да үҙҙәренең көстәрен һынап ҡарарға булды. Һөҙөмтәлә, мәктәбебеҙҙә яңы быуын китапханаһы булдырылды. Ул яңы интерактив ҡоролмалар менән йыһаҙландырылды. Был эш, әлбиттә, бөтәбеҙҙе лә бик ҡыуандырҙы. Яңы алымдар ҡулланып, быйыл да конкурста ҡатнашырға ниәт иттек. Уҡыусылар үҙҙәренең инициатив проекттарын тәҡдим иттеләр. "Мәктәптә туризм булдырыу", "Мәктәп бәҙрәфтәрен йыһазландырыу", "Гардероб бүлмәһен яңыртыу", "Мәктәп музейын төҙөкләндереү", "Яңыртылған компьютер бүлмәһе булдырыу". Барлыҡ уҡыусылар ҙа ошо тәҡдим ителгән проекттарҙы тыңлап, тауыш бирҙе. Яҡлау бик үҙенсәлекле, әүҙем үтте. Күпселек тауыш менән 8-се кластар тәҡдим иткән "Мәктәптә яңыртылған компьютер бүлмәһе булдырыу" проекты еңеп сыҡты. Был проект сиктәрендә заманса йыһазландырыу, интерактив ҡоролмалар алыу планлаштырыла. Проектта ҡатнашыусы төркөмдәргә рәхмәт белдерәбеҙ! Теләгән теләктәре, уйлаған хыялдары тормошҡа ашһын тигән теләктә ҡалабыҙ! Авторы - Зилә Кнәзова, башланғыс кластар уҡытыусыһы.