Был өҫтәмәләр “Ватанды һаҡлаусылар” дәүләт фонды эшендә бик ваҡытлы һәм көнүҙәк

2023 йылдың 3 апрелендәге “Ватанды һаҡлаусылар” махсус хәрби операцияһында ҡатнашыусыларға ярҙам итеү дәүләт фондын булдырыу тураһында”ғы указға тейешле үҙгәрештәр индерелде. Был нимә бирә һәм махсус хәрби операция ветерандарына һәм һәләк булған яугирҙәрҙең ғаилә ағзаларына ярҙам күрһәтеү өсөн ниндәй өҫтәмә мөмкинлектәр барлыҡҡа килде. Хәҙер фонд түбәндәге мөмкинлектәргә эйә: - социаль фондтың электрон сертификаты буйынса махсус хәрби операция ветерандары һатып алған техник реабилитация саралары өсөн өҫтәмә түләй; - демобилизацияланған яугирҙәргә һәм һәләк булғандарҙың ғаиләләренә ярҙам итеү менән шөғөлләнгән хәйриә ойошмаларына иғәнәләрҙән аҡса күсерә; - ветерандарҙың һәм уларҙың ғаиләләренең социаль ярҙам сараларының һәм хеҙмәттәренең тулылығы һәм сифаты менән ҡәнәғәт булыуына мониторинг алып бара; - махсус хәрби операция яугирҙәренең һәм уларҙың ғаиләләренең хоҡуҡтарын яҡлау мәсьәләләре буйынса халыҡ-ара хеҙмәттәшлекте тормошҡа ашырыу. "Был өҫтәмәләр “Ватанды һаҡлаусылар” дәүләт фонды эшендә бик ваҡытлы һәм көнүҙәк. Улар беҙҙең яугирҙәргә ярҙам күрһәтеүҙе күпкә һөҙөмтәлерәк итергә мөмкинлек бирәсәк, хәҙер хәйриә ойошмалары аша ла. Ҡәнәғәтлек мониторингы властың бөтә кимәлдәрендә алып барылған эш тураһында махсус хәрби операция ветерандарынан кире бәйләнеш алырға мөмкинлек бирәсәк", – тип уртаҡлашты “Ватанды һаҡлаусылар” дәүләт фондының төбәк бүлексәһе етәксеһе, Дәүләт Йыйылышы – Ҡоролтай депутаты Гөлнур Ҡолһарина. Фото: kremlin.ru