Бөрйән районының Яңы Собханғол төп дөйөм белем биреү мәктәбендә инициативалы бюджет проекты буйынса сара үтте. Уҡыусылар биш командаға бүленеп төрлө йүнәлештәге бик шәп проекттар әҙерләне, мәҫәлән: медиаүҙәк, ял зонаһы, туризм, хореографик студия, воркаут, йәғни урам спорт комплексы. Был мәктәп эсендәге мөхитте яҡшыртыуға һәм үҫтереүгә йүнәлтелгән проекттарҙы һәр команда бик уңышлы яҡланы. Сара аҙағында 5-тән алып 9-ға тиклемге кластарҙың һәр уҡыусыһы үҙенә оҡшаған проектҡа тауыш биреү мөмкинлегенә эйә булды. Шулай итеп, тауыш биреү һөҙөмтәләре буйынса, Рәмис Салауат улы Баймырҙин һәм Лилиә Мәүлит ҡыҙы Зәйнетдинова етәкселегендәге 8-се синыф командаһының “Воркаут” проекты еңеп сыҡты. Еңеүсе команданы ихлас ҡотлайбыҙ һәм мәктәбебеҙҙең мәнфәғәтенә йүнәлтелгән проекттарының тиҙерәк тормошҡа ашыуын теләйбеҙ! Рәмзиә Мырҙабаева. Автор фотоһы.