Мосолман динен ҡайҙан ала, йәғни Ислам диненең сығанағы нимә ул?

20. Мосолман динен ҡайҙан ала, йәғни Ислам диненең сығанағы нимә ул?

Яуап: Аллаһ Китабы Ҡөрьәндән һәм Пәйғәмбәр Мүхәммәд (صلى الله عليه وسلم) Сөннәтенән.

Быға дәлил Аллаһ(ﷻ) әйтә: اتَّبِعُوا مَا أُنزِلَ إِلَيْكُم مِّن رَّبِّكُمْ وَلَا تَتَّبِعُوا مِن دُونِهِ أَوْلِيَاءَ قَلِيلًا مَّا تَذَكَّرُونَ "Раббығыҙҙан төшөрөлгәнгә (Ҡөръәнгә) эйәрегеҙ. Аллаһтан башҡа ярҙамсылар алып, уларға эйәреп китмәгеҙ. Ни ҡәҙәр әҙ һабаҡ алаһығыҙ!". (Әл-Әғраф сүрәһе, 3-се аят).

Аллаһ(ﷻ) әйтә: وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا وَاتَّقُوا اللَّهَ إِنَّ اللَّهَ شَدِيدُ الْعِقَابِ "Пәйғәмбәр һеҙгә нимә биргән, шуны алығыҙ. Нимәнән тыйҙы икән, тыйылығыҙ! Аллаһтан ҡурҡығыҙ! Ысынлыҡта, Аллаһ ҡаты ғазапҡа Тарттырыусылыр!". (Хәшр сүрәһе, 7-се аят).

Аллаһ(ﷻ) әйтә: وَمَن يُشَاقِقِ الرَّسُولَ مِن بَعْدِ مَا تَبَيَّنَ لَهُ الْهُدَى وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّى وَنُصْلِهِ جَهَنَّمَ وَسَاءَتْ مَصِيرًا "Кем тура юлды табып та, Пәйғәмбәргә ҡаршы сыға, шул ғәмәле менән ул мөъминдәр юлынан китә. Һәм Беҙ уны ярҙамһыҙ ҡалдырырбыҙ. Шунан уны Беҙ Йәһәннәмгә ташларбыҙ. Ҡайта торған бик яман урын ул Йәһәннәм!". (Ән-Нисә сүрәһе, 115-се аят).

Хәҙис Әбү Һүрайра әйтте: Аллаһ Рәсүле صلى الله عليه وسلم әйтте: إِنِّي قَدْ تَرَكْتُ فِيكُمْ شَيْئَيْنِ لَنْ تَضِلُّوا بَعْدَهُمَا : كِتَابَ اللَّهِ وَسُنَّتِي وَلَنْ يَتَفَرَّقَا حَتَّى يَرِدَا عَلَيَّ الْحَوْضَ "Ысынлыҡта, мин һеҙгә ике нәмәне ҡалдырҙым! Әгәр һеҙ шуларға тотонһағыҙ, бер ҡасан аҙашмаҫһығыҙ һәм тарҡалмаҫһығыҙ минең менән Һыу ятҡылығында (хауд) осрашҡансы - ул инде Аллаһ Китабы Ҡөрьән һәм минең Сөннәтем". Был хәҙисте Хәким килтерә "Мүстәдрәк" йыйынтығында (319), һәм Мүхәммәд Әлбәни Сахих хәҙис тип "Мишкат" (186) һәм "Силсиләтүл Әхәәдиҫ Сахиха" ла килтерә.

Фәйсал ибн Мисфир исемле ғалимдың КәнзүлАтфал китабынан тәржемә ителде. Тәржемә итеүсе Әбү Әхмәд Әл-Бәшҡурди. #балаларға https://t.me/kanzulatfalbashkortsa