Кампуста Өфө нефть техник университеты лабораторияһы менән таныштырҙылар

31 ғинуарҙа Өфө нефть университетының Декарбонизация технологиялары үҙәге 2023 йылдың декабрендә төҙөлөп бөткән Өфө вуз-ара кампусының IQ-паркында урынлашҡан Климат һәм углерод эҙен мониторинглау лабораторияһы менән таныштырҙы. Төбәктең климаты һәм экосистемалары - углерод эҙен кәметеүгә, тупраҡ дымлылығын тотоуға һәм парник газдарын һеңдереүгә булышлыҡ итеүсе һөҙөмтәле эшләгән ресурс. Был проблемаларҙы хәл итеү менән Өфө дәүләт нефть техник университетының Декарбонизация технологиялары үҙәгенең Климат һәм углерод эҙен мониторинглау лабораторияһы шөғөлләнә. Эш "Өҫтөнлөк-2030" стратегик академик лидерлыҡ программаһы, шулай уҡ Рәсәй төбәктәрендә карбон полигондарын булдырыу буйынса пилот проекты сиктәрендә алып барыла. Презентацияла лаборатория начальнигы, техник фәндәр кандидаты Руслан Шәғәлиев уның эшмәкәрлегенең төп йүнәлештәре менән таныштырҙы, "Декарбонизация экосистемаһы" геомәғлүмәт системаһы һәм фәнни тикшеренеүҙәрҙең перспективалы йүнәлештәре һәм эшләнмәләрҙе коммерциялаштырыу тураһында һөйләне. Лаборатория белгестәре фитомасса запастарын ер өҫтөндәге үлсәүҙәрҙе, БПЛА-ларҙан төшөрөлгән фотоларҙы, спутник мәғлүмәттәрен һәм эксперт иҫәпләүҙәрен ҡулланып дистанцион баһалау ысулдарын файҙалана - был айырым экосистемаларҙың углерод нейтраллегенә өлгәшеүҙә индергән өлөшөн билдәләргә ярҙам итә. Бөтә ғилми тикшеренеүҙәр һөҙөмтәләрен туплаусы геомәғлүмәт системаһы булдырылған. Эш бизнес-партнерҙар - яғыулыҡ-энергетика комплексы предприятиелары, ҡаҙылмадар табыу сәнәғәте һәм ауыл хужалығы - атмосфераға парник газдары сығарып, иң ҙур "углерод эҙен" ҡалдырыусылар менән алып барыла. Киләсәктә лаборатория климат һәм тирә-яҡ мөхит мониторингы өлкәһендәге алдынғы белгестәрҙе Башҡортостан вуздарынан ғына түгел, Рәсәйҙең башҡа төбәктәренән дә, шулай уҡ сит ил коллегаларын да берләштерәсәк. Сығанаҡ: https://pravitelstvorb.ru/news/22887/