Республика башлығы етди талаптар ҡуя
Учалыла ҡаҙылма байлыҡтар буйынса ведомство-ара комиссияның күсмә ултырышы үтте. Унда республика башлығы Радий Хәбиров ҡатнашты. Ултырыштың тап Учалыла үтеүе осраҡлы түгел. Әле республикала алтын табыуға 60-ҡа яҡын лицензия бирелһә шуның 47-һе ошо районға тура килә. Һуңғы арала ғына намыҫһыҙ 13 алтын сығарыусының лицензияһы тартып алынған. Радий Хәбиров ултырыш алдынан бер нисә карьерҙа булып урындағы халыҡ һәм ойошма вәкилдәре менән аралашты. Сәфәр Бәләкәй Ҡаран ятҡылығынан башланды. Яуаплылығы сикләнгән «Ҡаран-Александровка» йәмғиәтендә эшләүселәрҙең 90 проценты эргәләге Поляковка һәм Вознесенка ауылдарынан. Урындағы халыҡ эш шарттары һәм ойошманың мөнәсәбәте менән ҡәнәғәт булыуын белдерҙе. Социаль объекттарҙы ремонтлау, саралар уҙғарыу һәм ауылды төҙөкләндереүҙә ярҙам тойола.Радий Хәбиров артабан Мансур һәм Абҙаҡ ауылдарынан йыйылған кешеләр менән аралашты. Урындағы хәлдәр менән ҡыҙыҡһынды.Юлға асфальт түшәү ҡиммәтле мәсьәлә, шулай ҙа быйыл уҡ юл түшәмен тәртипкә килтереү эштәре башланасаҡ, тип вәғәҙәләне төбәк Башлығы. Бында ла күптән түгел яңы карьер ҡаҙый башлағандар. Көҙ көндәрендә генә эш башлаған “Етенсе цех” ойошмаһының алтын сығарыуға әле рөхсәте юҡ тине Хөкүмәт премьер-министры урынбаҫары Азамат Абдрахманов. Етешһеҙлектәр буйынса саралар күреләсәк. Республика биләмәһендә эшләргә теләк бар икән, закон нигеҙендә һәм урындағы халыҡ мәнфәғәттәрен килем алыуҙан өҫтөн ҡуйырға тура киләсәк, тине Радий Хәбиров ойошма етәкселегенә.Ошо уҡ теләкте урындағы халыҡ Республика Башлығына еткерҙе.Радий Хәбиров башланғысы менән булдырылған Файҙалы ҡаҙылмалар буйынса республика ведомство-ара комиссияһының эш һөҙөмтәләре күп кенә намыҫһыҙ компанияларҙы асыҡлап уларҙың лицензияһын тартып алырға ярҙам иткән. Шул исемлектә Баймаҡ районындағы «Таналыҡ» һәм «Граф» ойошмалары. “Төп һөҙөмтә – беҙ лицензия биреүсе федераль агентлыҡ менән уртаҡ тел таптыҡ. Күҙәтеү органдары ла төбәктә ер аҫты байлыҡтары, бигерәк тә алтын сығарыусылар мәсьәләһенең ҡатмарлы икәнен аңлай.Әлегә тиклем судҡа барып еткән Енәйәт эштәре буйынса ҡаҙнаға 35 миллиард һум штраф ҡайтарырға тейеш. Әммә намыҫһыҙ алтын сығарыусыларҙан урындағы халыҡ һәм экология өсөн күрелгән зыянды бер ниндәй аҡсалар менән дә үлсәп булмай. Уның эҙемтәһе киләсәк быуынға ҡалдырмаҫ өсөн уны бөгөндән иҫкәртеү зарур.
Смотрите видео
--------------------------
Присоединяйтесь к каналу Башкортостан 24 в Дзен и Telegram-канал Вести Башкортостан, и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».