Бөтә ярҙам бер урында
Махсус хәрби операцияла ҡатнашҡан һалдаттарыбыҙға республика ирекмәндәренең, эшҡыуарҙарҙың, битараф булмаған халыҡтың ярҙамы ҙур. Фронтҡа, госпиталдәргә кәрәкле әйберҙәр логистика үҙәктәрендә туплана. Иң ҙур үҙәк баш ҡала урынлашҡан. Тынғыһыҙ ирекмәндәр һәм уларҙы борсоған мәсьәләләр тураһында Ләйсән Тимербулатова репортажы.Һалдаттарҙы кем дауалай икән? Бәләкәс кенә ҡыҙының сирләгән ваҡытта Юлиә Хәлиловаға биргән ошо һорауы “Башҡортостандың ышаныслы тылы” хәйриә фондының барлыҡҡа килеү сәбәпсеһе. Фондтың логистика үҙәге бар. Унда аҙыҡ-түлек, шәхси гигиена өсөн кәрәк-яраҡ, кейемдәр, көнкүреш химияһы, төҙөлөш материалдары һәм эш ҡоралдары, реабилитациялау өсөн техник ҡоролмалар туплана. Фонд ирекмәндәре өсөн үҙәктең мөһимлеген һөйләп тораһы ла түгел. Уларҙың хәрбиҙәргә ярҙамы йылдам һәм ойошҡанлы бара. 2022 йылдың декабренән 14 меңләп окоп шәме, 42 меңдән ашыу порция киптерелгән аш, 5 меңдән ашыу порция бутҡа, 249 кг киптерелгән икмәк, үткән йыл дауамында 3600 ҡоро душ, хатта һалдаттар өсөн шифалы майҙар етештерелгән. Барыһы ла посылкаларҙы туплау урындарының барлыҡҡа килеүенән генә башланды, ти ойоштороусылар.“Башҡортостандың ышаныслы тылы” менән бер рәттән тағы ла бер ҙур фонд эшләй. Ул Масксети Щит Уфа ойошмаһы. Әлеге ваҡытта 10 цех ойошторолған. Тағы ла икәүҙе асырға әҙерлек эштәре бара. Селтәр үреүсе ҡыҙҙар таңдан алып ҡара кискә тиклем тырышып эшләй. Таҫмалар өсөн туҡымалар, башҡа кәрәк-яраҡтар бағыусылар һәм халыҡ ярҙамы менән һатып алына. Һалдаттарҙың үтенестәрен тиҙ арала үтәргә тырыша ирекмәндәр.Оҫталыҡ менән бергә ирекмәндәр етештергән әйберҙәр төрө лә арта. Яңыраҡ тепловизорҙарҙан һаҡланыу өсөн юрғандар эшләй башлаған улар. Хатта снайперҙар өсөн “леший” кейемдәре лә ошондай ҡалын ҡатлам менән тегелә. Башҡортостан ирекмәндәре 10 меңдән ашыу маскировкалау селтәре үреп ебәргән. Улар халыҡтың тағы ла күберәк ҡушылыуына ниәт итә һәм логистик үҙәк өсөн майҙан эҙләй.
Смотрите видео
--------------------------
Присоединяйтесь к каналу Башкортостан 24 в Дзен и Telegram-канал Вести Башкортостан, и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».