Беренсе февралдән ғәмәлгә ингән үҙгәрештәр
Дәүләт яғынан социаль ярҙам файҙаланғандар февралдән аҡсаны күберәк ала башлай. Әсәлек капиталы ла 8 процентҡа тиерлек арта. Беренсе февралдән ғәмәлгә ингән ҡағиҙәләр һәм закондар тураһында хәбәрсебеҙ Нәфисә Кинйәбаева мәғлүмәт тупланы. Ҡыштың икенсе айы ғәҙәттәгесә индексацияларҙан башлана. Рәсәй Социаль фонды илдә миллионлаған кеше алған 40-тан ашыу төрлө түләүҙәрҙең кимәлен күтәрә. Февраль пособиеларының дүрт тиҫтәнән ашыуы 7,4 процентҡа артып киләсәк. Аҡсалата түләүҙәрҙән тыш фонд социаль хеҙмәттәр йыйылмаһы буйынса компенсация күләмен дә индексациялай. Ошо уҡ көндән әсәлек капиталына ла индексация яһала. Беренсе балаға 630 400, икенсеһенә 833 мең һумлыҡ сертификат тапшырыласаҡ. Иң юғары кимәл әсәлек капиталы аҡсаһын әлегәсә ҡулланмаған ғаиләләргә тура килә. Тәүге тыуған балаға бирелгән сертификат ҡулланылмаған осраҡта сумма 43 мең 400, икенсеһенә алынған һәм бөтөн ҡалғаны 57 мең 400 һумға күбәйә. Әсәлек капиталының тотонолмай ҡалған өлөшөн дә 7,4 процентҡа индексациялау ҡаралған. Шулай уҡ балалары яңы тыуған ғаиләләргә тейешле пособиелар күләме лә арта. Бала тыуғас бер тапҡыр түләнгән пособие февралдән 28300 һумға яҡын. Банк иҫәбенә һалынған аҡсаны һаҡлау ваҡыты тамамланыу тураһында финанс учреждениеһы 1 февралдән иҫәп хужаһын көнэлгәре иҫкәртергә бурыслы. Әлегә тиклем депозитттағы аҡсаның торошон һүлпән күҙәткәндәргә банк һаҡлау срогы үтеүе тураһында хәбәр итеүҙе мотлаҡ күрмәй ине.Һаҡлыҡ иҫәбенә ҡағылышлы әүҙем ҡарар ҡабул итмәгән клиенттарҙың аҡсаһы артабан да ошо уҡ иҫәптә ҡала һәм уның күләме банк проценты иҫәбенә артмай йәиһә бик аҙ күләмгә генә артыуы мөмкин. Финанас ойошмаларға ҡағылышлы йәнә бер яңылыҡ – беренсе февралдән банк һәм микрофинанс ойошмаларының граждандарҙан бурыс йыйыу эшмәкәрлеген суд приставтары хеҙмәте күҙәтеүгә ала. Элек суд приставтары тик һөнәри коллектор ойошмаларын ғына контролдә тота ине. Бынан тыш законда бурыслы һәм кредиторҙың “Дәүләт хеҙмәттәре” һәм электрон почта аша аралашыуы нығытыла.
Смотрите видео
--------------------------
Присоединяйтесь к каналу Башкортостан 24 в Дзен и Telegram-канал Вести Башкортостан, и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».