Үҙенсәлекле кешеләр бейеклектәр яулай
Тыумыштан һуҡыр егет Артем Бондаренко өсөн ҡаяға үрмәләү ғүмерлеккә һайланған һөнәр. Үҫмер һайлаған адаптив спорт төрөнөң үҙенсәлектәре һәм спортсының уңыштары хаҡында Сәлимә Исламова әҙерләгән сюжетта.«Миндә ҡурҡыу тойғоһо юҡ. Ерҙән ни тиклем бейеклектә йөрөгәнемде мин бит күрмәйем.» Тыумыштан күреү һәләтенән мәхрүм Артем Бондаренко өсөн был спортта сиктәр юҡ. Уның уңыш-ҡаҙаныштарына күҙҙәре камил һәр спортсы көнләшерлек. Ябай кеше ҡурҡып туҡтап ҡалған ерҙә, Артем тыныс ҡына юғарыға ынтыла.Егеткә әле 19 йәш. Ярты ғүмере буйы ҡаяға үрмәләү менән мауыға. Быйыл юғары уҡыу йортона уҡырға ингән. Киләсәктә үҙен программист итеп күрә. Ә күнекмәләр яҡшы физик формала булырға ярҙам итә. Йәш спортсының тренеры республикала билдәле параскалолаз Тимур Абдрәшитов. Ул ҡаяға үрмәләү буйынса тәүге секциялар ойоштороусы. Ә Артем уның профессиональ кимәлгә күтәрелгән тәүге тәрбиәләнеүсеһе. Һөнәри юҫыҡта ҡаяға үрмәләү менән малай башланғыс кластарҙа уҡығанда шөғөлләнә башлаған. Ә улының гел юғарыға ынтылғанын әсәһе бала сағынан уҡ күрә. Артём Бондаренко – республикала бындай адаптив спорт төрө менән шөғөлләнгән берҙән-бер спортсы. 3 йыл элек ул параклаймбинг буйынса донъя чемпионатында ҡатнаша. Ундағы ҡатмарлы трассанан Артем тәүге тапҡыр үтә. Әммә егеткә еңеүселәр рәтенә баҫырға бер аҙым ғына етмәй ҡала. Спортсы фекеренсә, аҙ ғына тырышлыҡ һалғанда, барыһы ла килеп сығасаҡ. Артемдың ата-әсәһе уның бөтә башланғыстарын, маҡсаттарын хуплай. Ҡаяға үрмәләүҙән тыш ул, йөҙөү, шахмат уйыны, самбо һәм өҫтәл теннисы менән шөғөлләнә.Бушыраҡ вағыты килеп сыҡһа үҙен әҙәбиәттә һынай. Бер нисә хикәйәһен китапҡа баҫтырған. Улар менән һуҡырҙар өсөн китапханала танышырға мөмкин. Йәш спортсының оло маҡсаты- Паралимпиадала ҡатнашыу. Ҡаяға үрмәләү спортын ҡасан да булһа ярыш программаһына индерһәләр, еңеү өсөн барлыҡ көсөмдө һаласаҡмын, ти Артем.
Смотрите видео
--------------------------
Присоединяйтесь к каналу Башкортостан 24 в Дзен и Telegram-канал Вести Башкортостан, и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».