“Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” милли проекты маҡсаттарына ярашлы Нефтекама ҡалаһында “Башҡортостан продукты” проекты тормошҡа ашырыла. Республика тауарҙарының юғары сифаты билдәһен Нефтекаманың 19 урындағы етештереүсеһе алған. “Башҡортостан продукты” проекты урындағы тауар етештереүселәргә ярҙам итеүгә, эске һәм тышҡы баҙарҙарҙа уларҙың конкуренцияға һәләтлеген күтәреү, шулай уҡ Башҡортостан халҡының именлеген яҡшыртыуға йүнәлтелгән. Проект 2013 йылда башланған һәм ватан сеймалынан тауар етештереп, уны республика биләмәһендә һатҡан етештереүселәрҙе берләштерә. Билдәле бер шарттарҙы үтәгән осраҡта “Башҡортостан продукты” билдәһен бушлай өс йылға алып була. Нисек был проект ҡатнашыусыһы булырға? Етештереүсе тейешле документтар пакетын туплап ғариза тапшыра. Быны электрон төр менән “Башҡортостан продукты” проектының рәсми сайтында https://productrb.ru/questionnaire һылтанмаһы буйынса эшләргә мөмкин. Сауҙа һәм хеҙмәттәр министрлығының комиссияһы: - 10 эш көнө эсендә документтарҙы ғәмәлдәге ҡануниәт талаптарына тура килеүен баһалай; - киләһе 10 көндә етештереү шарттары менән таныша. Электрон ҡарар бирәләр. Тауарҙы “Башҡортостан продукты” билдәһе менән маркировкалау хоҡуғы биргән диплом тапшырыла. Билдәле булыуынса, “Бәләкәй һәм урта эшҡыуарлыҡ һәм шәхси эшҡыуарлыҡ башланғысына булышлыҡ итеү” (национальный проект “Малое и среднее предпринимательство и поддержка индивидуальной предпринимательской инициативы”) милли проекты Рәсәй Президенты Владимир Путиндың май указы менән булдырылды. Фото: Нефтекама ҡалаһы хакимиәте.