Ул “Фән һәм университеттар” милли проектына ярашлы төҙөлдө. Иҫегеҙгә төшөрәбеҙ, 2022 йылдың декабрендә Халыҡ-ара бизнес аҙналығында Башҡортостан Хөкүмәте һәм ”Эталон” төркөмө кампусты төҙөүгә һәм артабан файҙаланыуға концессия килешеүе төҙөнө. Радий Хәбиров лаборатория биналарында булды һәм IQ-парктың архитектура-планлаштырыу ҡарарҙары менән танышты. Проект өсөн яуаплы республика Хөкүмәте Премьер-министры Андрей Назаров бинала төҙөлөш-монтаж эштәре тамамланыуы хаҡында һөйләне. Кампустың тәүге резиденттары – Өфө фән һәм технологиялар университеты, Башҡорт дәүләт медицина университеты һәм Өфө дәүләт нефть техник университеты. 2024 йылдың ғинуар аҙағында IQ-паркта 20-нән ашыу лаборатория һәм инновацион майҙансыҡ урынлашасаҡ. Улар иҫәбендә – заманса ҡорамалдарҙа эшләү күнекмәләрен үҙләштереү һәм төрлө патологияларҙы дауалау өсөн БДМУ-ның уҡыу кластары, шулай уҡ “Киләсәктәге медицина” кабинеты. Башҡортостан Башлығы кампустың беренсе сираты биналарының планлаштырылыуын һәм дизайнын юғары баһаланы. – Беҙ IQ-парк булдырыуға ижади яҡтан ҡарарға тырыштыҡ, заманса архитектура ҡарарҙарын ҡулландыҡ, – тип һөйләне Радий Хәбиров. - Студенттар өсөн иң шәп урын тип әйтә алам. Фәнни тикшереүҙәр өсөн инфраструктура булдырыу өлкәһендә ҙур аҙым. Киләсәктә кампустың икенсе сиратын төҙөү мәсьәләһе тора, унда дөйөм ятаҡтар, коворкинг һәм башҡалар буласаҡ. Фото: glavarb.ru