Радий Хәбиров: “Беҙҙең менән риза булмағандар менән дә эшләйбеҙ”

Башҡортостан Башлығы Радий Хәбиров уҙған аҙнала үткән концертҡа йомғаҡ яһап, муниципалитет башлыҡтарына халыҡ менән осрашырға кәрәклеге тураһында хәтерҙәренә төшөрҙө. Етәксе белдереүенсә, бөтә халыҡ менән дә эшләргә кәрәк, ә власты хуплаусылар менән генә түгел. Республикала йәшәгән кешеләрҙең проблемалары былай ҙа етерлек – торлаҡ-коммуналь хужалыҡ, социаль өлкә, экология һәм башҡалар. “Беҙ беҙҙең менән ризалар менән генә эшләмәйбеҙ. Кешеләр беҙҙе бөтәһе менән дә эшләр өсөн һайлаған. Махсус аҙымдар һәм хәрәкәттәр киңлегенә күсергә кәрәк. Хакимиәт башлыҡтары, кешеләр менә эшләүгә ҡушылығыҙ, һеҙ улар менән осрашмаһағыҙ, был бушлыҡты дөрөҫ булмаған мәғлүмәт тултыра. Беҙҙең пландар һәм бурыстар тураһында һөйләгеҙ. Башты ҡомға йәшерергә ярамай”, – тине ул. Радий Хәбиров әйтеүенсә, 31 ғинуарҙа ул Учалы районына барасаҡ, бында ер аҫты байлыҡтарын табыу буйынса ведомство-ара комиссия ултырышы үтәсәк. Унда лицензия биреүгә ҡатнашлығы булған органдар етәкселәре һәм вәкилдәре ҡатнашасаҡ. Радий Фәрит улы әйтеүенсә, был мәсьәлә урындағы халыҡты ныҡ борсой. Бынан тыш ул урындағы етәкселәрҙе “Управдом” форумдарында ҡатнашырға саҡырҙы. Үҙе иһә республика форумында ҡатнашасаҡ. Оҙаҡламай Радий Хәбиров башҡорттар ҡоролтайы, татарҙар конгрессы, рустар соборы, сыуаштар, удмурттар һәм башҡалар менән осрашырға планлаштыра. Бында кешеләр бергәләп республиканы артабан үҫтереү тураһында үҙ фекерен белдерә аласаҡ. “Тәрән милли проблемалар бар тип әйтә алмайым. Әммә мәҙәнит, беҙҙә йәшәгән халыҡтарҙың телдәрен һаҡлау буйынса мәсьәләләр бар”, – тине Радий Хәбиров. Фото: ГорОбзор.