Дәүләттән бер тапҡыр бирелә торған финанс ярҙамға кемдәр хоҡуҡлы?
Башҡортостанда 2023 йылда биш меңдән ашыу эшһеҙ үҙ эшен асыу өсөн дәүләттән бер тапҡыр бирелә торған финанс ярҙам алған. Быйыл был маҡсатҡа 675 миллион һумдан ашыу аҡса бүленә, уның 567 миллион һумы дәүләт ҡаҙнаһынан. Ярҙам кемдәргә тәғәйенләнгән һәм уны алыу үҙенсәлектәре тураһында хәбәрсебеҙ Гөлфиә Мәҡсүтова сюжетында. «Өфө» мотоклубы 7 йыл элек ойошторола. Спорт һөйөүселәрҙе һауа торошоноң көйһөҙләнеп тороуы һис кенә лә ҡурҡытмай. Мотоклубҡа нигеҙ һалыусы Кирилл Кириллов теләгән һәр кемде мотоциклда йөрөргә өйрәтә ала. Уның тәжрибәһен баһалап, дәрес алыу өсөн илдең төрлө төбәктәренән халыҡ ағыла был мотоклубҡа. Клубта әле 150-нән ашыу кеше мотоциклда йөрөү серҙәренә төшөнә. Яратҡан шөғөлөн бизнес-проектҡа әйләндереү хыялын тормошҡа ашырыу өсөн Кирилл, социаль контракт нигеҙендә, адреслы ярҙамға ғариза бирә. Кәрәкле документтарҙы йыйып, бизнес план төҙөгәс, үҙ эшенә 350 мең һум аҡса ала һәм үҫмерҙәр өсөн мотоциклдар һатып ала.Дәүләттән ярҙам алыу программаһы 2020 йылдан алып эшләй. Йәшәү минимумынан артмаған, ауыр хәлдә булған граждандар дәүләт менән килешеү төҙөй ала. 2024 йылда йәшәү минимумының күләме 13 мең 703 һумға етте.Ярҙам суммаһы шәхсән иҫәпләнә һәм адреслы ярҙам йүнәлешенә бәйле. Мәҫәлән, үҙ эшеңде асыу өсөн өс йөҙ илле мең һумға тиклем аҡса алырға мөмкин. Шәхси ярҙамсы хыжалыҡты үҫтереүгә ике йөҙ мең бүленә. Быйыл дәүләт ярҙамы алыу өсөн документтар тапшырыу еңеләйттелэ. Бының өсөн бары дәүләт хеҙмәттәре ҡушымтаһын асырға һәм аҙ тәьмин ителгәндәргә социаль ярҙам программаһында ҡатнашыуға ғариза тултырып ебәрергә кәрәк.Дөйөм алғанда, быйыл программаны тормошҡа ашырыуға 650 миллион һум бүленә. Социаль ярҙам менән республиканан дүрт меңгә яҡын кеше файҙалана аласаҡ.
Смотрите видео
--------------------------
Присоединяйтесь к каналу Башкортостан 24 в Дзен и будьте в курсе всех последних новостей и событий, происходящих в Уфе и Башкирии!
Мы предлагаем Вам свежие выпуски передач производимые холдингом ГТРК «Башкортостан».