“Айыҡ ауыл” конкурсының республика этабында ҡатнашҡан Белорет районының Инйәр ауылы биләмәһенә ҡараған Манышты ауылында милли һәм этник спорт төрҙәре буйынса һунарсы Бигарслан Солтанов исемендәге республика турниры уҙғарылды. Был сара инде икенсе йыл рәттән уҙғарыла. Турнирҙың төп маҡсаты: үҫеп килгән быуынды патриотик тәрбиәләү; һунарсы Бигарслан Солтановтың хәтерен мәңгеләштереү; тыуған яҡ тарихын өйрәнеүҙе йәнләндереү; милли һәм этник спорт төрҙәрен үҫтереү; граждандарҙы спорт менән даими шөғөлләнеүгә йәлеп итеү һәм айыҡ һәм әүҙем сәләмәт йәшәү рәүешен таратыу. Былтыр был сарала 40 кеше ҡатнашһа, быйыл 71 кеше үҙен ҡышҡы уйында һынап ҡараны. Әйткәндәй, турнирҙа ҡатнашыусыларҙың географияһы ла киңәйгән, бында урындағы халыҡ ҡына түгел, ә Ауырғазы, Баймаҡ, Бөрйән, Учалы, Өфө райондарынан да килгәндәр. Көн йылы, ҡояшлы булды. Бар уйынсылар ауылдың Ҡәрләгән тип аталған урынына йыйылды. Турнирҙың баш судьяһы итеп белореттар яҡташтарын – “Торатау” конгресс-холы директоры урынбаҫары Ранис