Андрей Назаров вуз-ара кампустың әҙерлеген тикшерҙе

Башҡортостан Республикаһы Хөкүмәте Премьер-министры Андрей Назаров вуз-ара кампусты ҡарап сыҡты, уның беренсе сиратын төҙөү декабрь аҙағында тамамланды. Министрҙар кабинеты башлығы юғары уҡыу йорттары, профилле ведомстволар вәкилдәре, индустриаль партнерҙар һәм архитекторҙар менән эш кәңәшмәһе үткәрҙе. Графикҡа ярашлы, кампуста Өфө дәүләт нефть техник университетының, Өфө фән һәм технологиялар университетының һәм Башҡорт дәүләт медицина университетының ғилми лабораториялары, «Берлога» киберфизика инновациялары оҫтаханаһы, «Аврора» таланттарҙы үҫтереү үҙәге уҡыусылары өсөн лаборатория ҡорамалдарын монтажлау бара, ҡуртымға алыусыларҙың майҙансыҡтары төҙөкләндерелә. Кәңәшмәлә ҡатнашыусылар мультимедиалы ҡорамалдарҙың эшләй башлауын һәм кампустың ике сираты башняларына исемдәре биреләсәк ғалимдарҙың виртуаль моделдәрен эшләп бөтөүҙе тикшерҙе. Әҙерләнеп ятҡан роликтарҙы һәм фильмды вуз-ара студенттар кампусының беренсе сиратын рәсми асыу тантанаһында күрһәтәсәктәр. Премьер-министр эске эштәр буйынса бер нисә иҫкәрмә яһаны. Хәтерегеҙгә төшөрәбеҙ, университет кампустары селтәрен булдырыу буйынса программа Рәсәй Президенты Владимир Путин йөкләмәһе буйынса "Фән һәм универститеттар" милли проекты сиктәрендә Фән һәм юғары белем министрлығы тарафынан тормошҡа ашырыла. Илдә 17 кампус төҙөлә. Өфө тәүге һигеҙ ҡала иҫәбендә. Сығанаҡ: https://pravitelstvorb.ru/news/22798/