Яҡындарының ышанысы ярҙам итә

Яңауылда тыуып үҫкән “Сервал” позывнойлы яугир мәктәпте тамамлау менән хәрби булырға ҡарар итә һәм Ҡазандағы хәрби артиллерия училищеһына уҡырға инә. Яҡташтары яугир менән телефон аша һөйләшеп, хәл-әхүәлен, кәйефен белешкән, тип хәбәр итә “Янаульские зори”. “2008 йылда мәктәпте тамамлағас, Ҡазан хәрби артиллерия училищеһына уҡырға индем. 2011 йылда Рәсәй Ҡораллы көстәрендә үҙгәртеп ҡороуҙар башланғас, беҙҙе Санкт-Петербургтағы хәрби артиллерия академияһына уҡыуҙы тамамлау өсөн ебәрҙеләр. Ҡыҙыл дипломға тамамлағас, Алыҫ Көнсығышҡа эләктем”, – ти “Сервал”. Яҡташыбыҙ гвардия майоры званиеһында гаубицалы үҙ йөрөшлө-артиллерия дивизионы штабы начальнигы булып хеҙмәт итә. Уның төп бурысы – дивизиондың уты менән идара итеү. Көнө-төнө хеҙмәттәштәре менән дошмандың ҡаршылығын емереү өсөн көрәшәләр. “Харьков һәм Херсон йүнәлешендә, Днепрҙың уң яҡ ярында барған көсөргәнешле һуғыштарҙа ҡатнаштыҡ. Аҙаҡ беҙҙе Запорожье йүнәлешенә ебәрҙеләр. 2023 йылдың июлендә Рәсәй Президенты Указы менән шәхси составтың ҡаһарманлығы һәм героизмы өсөн бригадабыҙға “гвардия” званиеһы бирелде, – ти ғорурлыҡ менән гвардия майоры. – Тәүҙә еңел булманы, тик кеше, иртәме-һуңмы, бөтә ауырлыҡҡа ла күнегә”. “Сервал”дың әйтеүенсә, хәрбиҙәргә көс-ҡеүәтте туғандарының һәм яҡындарының теләктәшлеге, терәк булыуы, уларға ышанысы ярҙам итә. “Хәрбиҙәр үҙҙәренең Ватаныбыҙҙы, ғаиләләрен, балаларын дошмандан һаҡларға бурыслы булыуын яҡшы белә һәм ышанысты аҡлау өсөн барыһын да эшләйәсәк”, – ти беҙҙең батыр яҡташыбыҙ. Яугирҙе өйҙә ғаиләһе – ҡатыны һәм ҡыҙы менән улы түҙемһеҙлек менән көтә. Хәтерегеҙгә төшөрәбеҙ, контракт төҙөү мәсьәләләре буйынса республика халҡы берҙәм 177 белешмә номеры буйынса, Ситуация үҙәгенә 122 йәки (347) 218-19-19-19 телефондары аша, “Минең документтарым” күп функциялы үҙәктең яҡындағы офисына мөрәжәғәт итә ала. Шулай уҡ булған һорауҙарға яуапты башбат.рф сайтында, контракт буйынса хәрби хеҙмәткә инергә теләүселәр өсөн һәм уларҙың ғаилә ағзаларына социаль ярҙам саралары тураһында "Телеграм"да мәғлүмәт таба алаһығыҙ. Башҡортостанда контракт буйынса хәрби хеҙмәткә йыйыу дауам итә. Мобиль пункттар республиканың барлыҡ ҡала һәм райондарында эшләй. Бында йыйыу тәртибе, льготалар һәм түләүҙәр тураһында консультация бирәләр, ниндәй документтар кәрәклеген аңлаталар. Дәүләт менән килешеүҙе пенсияға сыҡҡан запастағы хәрбиҙәр, саҡырыу буйынса сроклы хеҙмәттән һуң эшенән киткәндәр, шулай уҡ армияла булмаған, ләкин юғары йәки урта профессиональ белем алған ир-егеттәр ҙә төҙөй ала. Рядовойҙан алып прапорщикка тиклем контракт буйынса хәрби хеҙмәткә 65 йәшкә тиклемге ир-егеттәр ҡабул ителә. Фото: https://yanzori.com/articles/novosti/2024-01-10/s-nimi-rodina-v-bezopasnosti-3596676