Республиканың йәштәр эштәре буйынса дәүләт комитеты рәйесе Яна Гайдук вазифаһын ҡалдырҙы. Башҡортостандың Йәштәр сәйәсәте буйынса дәүләт комитеты рәйесе Яна Гайдук вазифаһын ҡалдыра. Чиновник социаль селтәрҙә хәбәр итеүенсә, ҡарарҙы ул үҙ теләге менән ҡабул иткән. “Бер ниндәй драма ла юҡ. Отставкаға ебәрмәнеләр, йүгермәйем, бер кем менән дә ыҙғышмайым. Абруйым менән дә барыһы ла һәйбәт (ҡыҙыҡлы варианттар йөрөһә лә). Пландарым һәм уйҙарым һаман конструктив. Дәүләт комитетына етәкселек иткән ваҡытта өс йыл буйына маҡсаттар нигеҙҙәре булдырыуҙа эшләнек. Был беренсел мәсьәлә. Райондарҙа йәштәр инфраструктураһын яңырта башланыҡ, ирекмәндәребеҙгә ярҙам итеү өсөн һанлы изгелек.рб платформаһын булдырҙыҡ (быйыл эшләй башлаясаҡ), йәштәр ойошмаларына булышлыҡ итеү өсөн айырым грант конкурсы булдырҙыҡ, мәктәп, студент, ауыл һәм эшләүсе йәштәр өсөн программалар әҙерләнек. Ғөмүмән, һөҙөмтәләр өсөн оят түгел. Мин артабан атлайым. Барыһына ла: йәмәғәт һәм, атап әйткәндә, йәштәр ойошмалары активистарына, ирекмәндәргә, муниципалитеттарҙағы белгестәргә, үҙемдең коллегаларыма ҙур рәхмәт. Бергәләп эшләүегеҙ менән ғорурланам, һеҙ - иң яҡшылары", - тип яҙҙы Яна Гайдук. Фото: "Башинформ".