По ссылке на страницу последования богослужения можно скачать в разных форматах службу на 21 января́ 2024 го́да: Неде́ля 33 по Пятидеся́тнице, по Богоявлении. Попразднство Богоявления. Прп. Георгия Хозевита. Глас 8.
Прямая ссылка на полное последование богослужения 28 января 2024 г. на резервной странице.
Резервная страница проекта: https://posledovanie.my1.ru/index/0-2
Телеграм канал проекта https://t.me/posledovanie/
Телеграм чат https://t.me/ChatPosledovanie
Поддержать Последование: молитвой, репостом, добрым словом или материально: http://posledovanie.ru/pomoshch-saytu/
Избранные тексты богослужения:
Тропа́рь воскре́сный, глас 8:
С высоты́ снизше́л еси́, Благоутро́бне,/ погребе́ние прия́л еси́ тридне́вное,/ да нас свободи́ши страсте́й,// Животе́ и Воскресе́ние на́ше, Го́споди, сла́ва Тебе́!
Тропа́рь Богоявле́ния, глас 1:
Во Иoрда́не креща́ющуся Тебе́, Го́споди,/ Тро́йческое яви́ся поклоне́ние:/ Роди́телев бо глас свиде́тельствоваше Тебе́,/ возлю́бленнаго Тя Сы́на имену́я,/ и Дух в ви́де голуби́не/ изве́ствоваше словесе́ утвержде́ние./ Явле́йся Христе́ Бо́же// и мир просвеще́й, сла́ва Тебе́.
Конда́к воскре́сный, глас 8, подо́бен: «Я́ко нача́тки…»:
Воскре́с из гро́ба, уме́ршыя воздви́гл еси́,/ и Ада́ма воскреси́л еси́,/ и Е́ва лику́ет во Твое́м Воскресе́нии,/ и мирсти́и концы́ торжеству́ют// е́же из ме́ртвых воста́нием Твои́м, Многоми́лостиве.
Конда́к Богоявле́ния, глас 4:
Яви́лся еси́ днесь вселе́нней,/ и свет Твой, Го́споди, зна́менася на нас,/ в ра́зуме пою́щих Тя:/ прише́л еси́ и яви́лся еси́,// Свет Непристу́пный.
Конда́к прп. Гео́ргия, глaс 4, подо́бен: «Яви́лся еси́…»:
Яви́лся еси́ свети́ло пресве́тлое, Гео́ргие,/ озаря́я Боже́ственными заря́ми ве́рно зову́щия ти:/ моли́ о нас Влады́ку Христа́,/ я́вльшагося во струя́х// и просве́щшаго земноро́дныя.
Проки́мен Неде́ли по́сле Богоявле́ния, глaс 1:
Бу́ди, Го́споди, ми́лость Твоя́ на нас,/ я́коже упова́хом на Тя.
Проки́мен Богоявле́ния, глaс 4:
Благослове́н гряды́й во И́мя Госпо́дне,/ Бог Госпо́дь и яви́ся нам.
Апо́стол:
Чте́ние неде́ли по́сле Богоявле́ния (Еф., зач. 224 (от середи́ны): гл.4, стт.7-13):
Бра́тие, еди́ному кому́ждо нас даде́ся благода́ть по ме́ре дарова́ния Христо́ва. Те́мже глаго́лет: возше́д на высоту́, плени́л еси́ плен, и даде́ дая́ния челове́ком. А е́же взы́де, что есть, то́чию я́ко и сни́де пре́жде в до́льнейшыя страны́ земли́? Сше́дый, Той есть и возше́дый превы́ше всех небе́с, да испо́лнит вся́ческая. И Той дал есть о́вы у́бо Апо́столы, о́вы же проро́ки, о́вы же Благове́стники, о́вы же па́стыри и учи́тели, к соверше́нию святы́х, в де́ло служе́ния, в созида́ние Те́ла Христо́ва, до́ндеже дости́гнем вси во едине́ние ве́ры и позна́ния Сы́на Бо́жия, в му́жа соверше́нна, в ме́ру во́зраста исполне́ния Христо́ва.
Аллилуа́рий Неде́ли по́сле Богоявле́ния, глас 5:
Стих: Ми́лости Твоя́, Го́споди, во век воспою́, в род и род возвещу́ и́стину Твою́ усты́ мои́ми.
Аллилуа́рий Богоявле́ния, глас 4:
Стих: Принеси́те Го́сподеви сы́нове Бо́жии, принеси́те Го́сподеви сы́ны о́вни.
Ева́нгелие:
Чте́ние неде́ли по́сле Богоявле́ния (Мф., зач.8: гл.4, стт.12-17):
Во вре́мя о́но, слы́шав Иису́с, я́ко Иоа́нн пре́дан бысть, оты́де в Галиле́ю, и оста́вль Назаре́т, прише́д всели́ся в Капернау́м в помо́рие, в преде́лех Завуло́них и Неффали́млих. Да сбу́дется рече́нное Иса́ием проро́ком, глаго́лющим: земля́ Завуло́ня и земля́ Неффали́мля, путь мо́ря об он пол Иорда́на, Галиле́а язы́к, лю́дие седя́щии во тме ви́деша свет ве́лий, и седя́щым в стране́ и се́ни сме́ртней, свет возсия́ им. Отто́ле нача́т Иису́с пропове́дати и глаго́лати: пока́йтеся, прибли́жися бо Ца́рство Небе́сное.
Прича́стны Богоявления и воскре́сный:
Яви́ся благода́ть Бо́жия спаси́тельная всем челове́ком.
Хвали́те Го́спода с небе́с,/ хвали́те Его́ в вы́шних. Аллилу́ия. (Трижды)