“Һаулыҡ һаҡлау” милли проектының тәүге звеноны яңыртыу программаһына ярашлы, Саҡмағош үҙәк районы дауаханаһының хирургия бүлексәһенә яңы универсаль операция өҫтәле алынды. Медицина ҡорамалы төрлө профилдәге операциялар үткәреү өсөн тәғәйенләнгән. Ул пациенттың уңайлы урынлашыуын һәм ышаныслы нығытылыуын тәьмин итә. Шулай уҡ өҫтәл электр һәм гидравлика күсергестәре менән йыһазландырылған. Был белгестәргә ҡорамалды буйға һәм ян-яҡҡа ауыштырыуҙы һығылмалы рәүештә башҡарырға һәм бейеклекте көйләргә ярҙам итә. Өҫтәлдең торошон ҡул ярҙамында һәм пульт менән үҙгәртергә мөмкин. Хирургтар яңы ҡорамалды файҙаланыуға тапшырғандан һуң әүҙем ҡулланыуын дауам итә. Үт ҡыуығынан таштарҙы алыу, һуҡыр эсәккә операция яһау, бүҫерҙе ҡырҡып ташлау кеүек әмәлиәттәр уңышлы үткәрелә. –Ҡорамал заманса хирургияның бөтә талаптарына яуап бирә. Өҫтәл ышаныслы һәм табиптар, пациенттар өсөн уңайлы. Заманса ҡорамал хирург һәм уның ассистенттары өсөн әмәлиәттәр башҡарғанда тотороҡлоҡто тәьмин итә, – ти хирургия бү