Жогорку Кеңештин Социалдык саясат комитети Эл аралык эмгек уюмунун жеке агенттиктер боюнча Конвенциясын ратификациялоо мыйзам долбоорун жактырды. Депутаттар агенттиктердин ишин көзөмөлдөөнү күчөтүүнү жана мигранттардын укуктук абалын жакшыртууну талкуулашты.
🇰🇬 Кыргыз Республикасынын Жогорку Кеңешинин Социалдык саясат комитети бүгүн, 14-апрелде, 1997-жылы Женева шаарында кабыл алынган Эл аралык эмгек уюмунун № 181 Конвенциясын ратификациялоо тууралуу мыйзам долбоорун биринчи окууда карап, жактырды.
🔍 Депутат Чыңгыз Ажибаев бул Конвенцияны ратификациялоо мыйзам долбоорун колдоп, чет өлкөлөрдө ишке орноштуруу агенттиктеринин ишине көзөмөлдү күчөтүү зарылдыгын белгиледи.
💼 Депутат Нурбек Сыдыгалиев мындай агенттиктердин ишин жөнгө салуу маселесин көтөрүп, өз милдеттемелерин аткарбаган учурда каражаттардын кайтарылбай калган учурларына көңүл бурду.
🌍 Депутат Жылдыз Садырбаева Конвенцияга кошулуу маселесин тактап, бүгүнкү күндө бул документти 38 эле өлкө ратификациялаганын, ал эми КМШ өлкөлөрүнүн ичинен Молдова гана кошулганын кошумчалады.
👥 Комитеттин төрайымы Винера Раимбачаева Россиядагы эмгек мигранттарынын укуктук абалын жакшыртуу маселесине көңүл бурду.
📊 Кыргызстанда жалпы 197 ишке орноштуруу агенттиги катталгандыгы тууралуу маалыматты министрдин орун басары билдирди.