Наводзяць парадак
З 17 сакавіка па 31 красавіка 2025 года праходзіць месячнік па навядзенні парадку, падчас якога добраўпарадкоўваюцца тэрыторыі адміністрацыйных будынкаў, помнікаў, размешчаных на тэрыторыі Грозаўскага сельсавета.
На ахове жыцця
У Каменскай сярэдняй школе адбылося выязное пасяджэнне Савета грамадскага пункта аховы правапарадку з удзелам урача-нарколага Капыльскай ЦРБ Аляксандра Гайдзеля. У гэты дзень абмеркавалі пытанні п’янства і алкагалізму насельніцтва. На сустрэчу былі запрошаны грамадзяне, якія вядуць асацыяльны лад жыцця, а таксама тыя, хто знаходзіцца на розных відах уліку.
Дзень гумару і смеху
У Грозаўскім сацыяльным пансіянаце "Ліпавы рай" прайшла музычна-забаўляльная праграма "Дзень гумару і смеху". Першакрасавіцкія жарты дапамаглі развесяліць і выклікаць смех ва усіх пражываючых. Яны з вялікім задавальненнем адпачылі і добра павесяліліся.
Гаварылі пра казачных герояў
У рамках клуба "Маленькая краіна" бібліятэкар Грозаўскай сельскай бібліятэкі Таццяна Нераненя для дзяцей дашкольнага ўзросту, правяла цікавае мерапрыемства "Прадказанне ад любімых казачных герояў", прысвечанае Тыдню дзіцячай кнігі. Акрамя гэтага бібліятэкар у Дзень смеху сустрэлася з вучнямі Камсамольскай сярэдняй школы, дзе забаўляльная праграма "Рассмяшы мяне" аб’яднала хлопчыкаў і дзяўчынак. У гэты дзень усе яны ад душы пасмяяліся, пажартавалі і павесяліліся.
Что нового в Грозовском сельсовете?
