Кыргыз Республикасынын эмгек сиңирген артисти Анара Эсенгулова 62 жаш курагында дүйнө салды. Ал комузчу жана окутуучу катары белгилүү болуп, кыргыз маданиятын жайылтууга чоң салым кошкон.
😢 Кыргызстан маданиятынын белгилүү өкүлү Анара Эсенгулова 62 жашында дүйнөдөн кайтты.
🎵 Анара Эсенгулова 1963-жылы Балыкчы шаарында төрөлгөн. Ал 1978-жылы М. Куренкеев атындагы Фрунзе музыкалык-хореографиялык окуу жайына тапшырып, 1982-жылы ийгиликтүү аяктаган.
🌟 Окуу учурунда СССРдин эл артисти Самара Токтакунованын кол алдында билим алып, оркестрде иштеген. Ошол эле учурда “Акмарал” бий ансамблинде солистка-комузистка болуп иштеген.
🎭 А. Малдыбаев атындагы Опера жана балет театрында “Ак бугу” чыгармасын аткарып, элге таанылган. Ошондой эле “Ысык-Көл баяны” чыгармасын жараткан.
📚 15 жылдан ашуун убакыт бою М. Куренкеев атындагы окуу жайында кыргыз элдик аспаптар бөлүмүндө комуз сабагын берип келген.
🌍 Акыркы жылдары “Туголбая ата” фондуна координатор болуп, кыргыз комузун дүйнөгө таанытуу максатында чет өлкөлөргө гастролдоп чыккан.
🏆 Ал “Жаштар” сыйлыгынын лауреаты, “Кыргыз жылдыздары” медалынын ээси жана эл артисти Самара Токтакунованын эл аралык сыйлыгынын лауреаты болгон.
🕊️ 12-апрелде Балыкчы шаарында жерге берилди. Кыргыз Республикасынын Маданият, маалымат жана жаштар саясаты министрлиги анын жакындарына терең кайгыруу менен көңүл айтат.